ધોની ઝડપાયો! 10 કલાક અને 72 અધિકારીઓની મહેનત બાદ પુરાયો પાંજરે, લોકોએ પેંડા વહેંચ્યા

કેરળ તેના આગવા કુદરતી અને પશુ સંસાધનોને કારણે આગવી ઓળખ ધરાવે છે. કેરળ હાથીઓની ફોજને કારણે પણ જગવિખ્યાત છે.

કેરળના પલક્કડ(Palakkad) જિલ્લામાં સ્થિત એક ગામમાં છેલ્લા કેટલાય મહિનાઓથી એક હાથીને લઈને ગભરાટનો માહોલ હતો. હાથી પર આરોપ છે કે થોડા મહિના પહેલા આ હાથીએ એક મોર્નિંગ વોક કરનારને મારી નાંખ્યો હતો.

રવિવારે વન વિભાગના નિષ્ણાતે PT-7 (પલક્કડ ટસ્કર) તરીકે ઓળખાતા હાથીને શાંત પાડ્યો હતો. કલાકોની જહેમત બાદ અંતે હાથીને પકડીને હવે કેદમાં રાખવામાં આવશે. અહીં તેને કુમકી હાથી (Kumki Elephants) તરીકે તાલીમ આપવામાં આવશે, જેનો ઉપયોગ જંગલી હાથ પકડવા માટે થાય છે.

દોઢ કલાકમાં હાથીને શાંત કરવામાં આવ્યો હતો: વન વિભાગના અધિકારીઓએ જણાવ્યું કે આ રાજ્યનું અત્યાર સુધીનું સૌથી લાંબા સર્ચ ઓપરેશન્સમાંથી એક છે. સંતાકૂકડીની રમત કેટલાય મહિનાઓ સુધી ચાલતી રહી. હાથી શનિવારે સવારે 6 વાગ્યે જોવા મળ્યો હતો અને તેને શાંત કરવામાં એક કલાકથી વધુ સમય લાગ્યો હતો. સવારે 7:30 વાગ્યે તેને શાંત કરવામાં આવ્યો હતો.

82 ફોરેસ્ટ ઓફિસરની ટીમે હાથીને પકડી લીધો હતો: વેટરનરી સર્જન ડો. અરુણ ઝાચરિહા (Veterinary Surgeon Arun Zachariah)ની આગેવાની હેઠળ 82 વન અધિકારીઓની સ્પેશયલ ટીમે ઓપરેશન હાથ ધર્યું હતું. વન મંત્રી એકે સસેન્દ્રને કહ્યું, 'આ મુશ્કેલ કામ હતું. દિવસ-રાત અમારા જવાનો પ્રાણી પર નજર રાખતા હતા, પરંતુ દર વખતે તે છટકીને ગાઢ જંગલ કે પાણીમાં જતો રહેતો હતો. આ વખતે વન વિભાગે તેને પકડીને શાંત પાડી, તાલીમ આપવા માટે કેન્દ્રમાં મોકલ્યો છે. હાથીને પકડીને તેના ચહેરાને કાળા કપડાથી ઢાંકીને અને તેના પગ દોરડાથી બાંધીને ટ્રકમાં બેસાડી દેવામાં આવ્યો હતો.

મહાવતોની આગેવાની હેઠળ વાયનાડના મુથંગા વન્યજીવ અભયારણ્યમાંથી લાવવામાં આવેલા ત્રણ કુમકી (તાલીમ પામેલા) હાથીઓ ભરત, વિક્રમ અને સુરેન્દ્રન આ પીટી-7 જમ્બો હાથીને ઘેરી વળ્યા. ઓપરેશનમાં તેઓ ફોરેસ્ટ ટીમના ગાર્ડ હતા. ટીમે આ જંગલી ગતિહીન પ્રાણીની આંખોને કાળા કપડાથી ઢાંકી દીધી હતી જેથી સૂર્યપ્રકાશ તેની આંખોને અથડાય અને ઉશ્કેરાય નહીં.

ચીફ વેટરનરી ઓફિસર ડૉ. અરુણ સાકરિયાએ જણાવ્યું કે, 'સૌથી પહેલા હાથીને ગાઢ ઊંડા જંગલમાં જતા અટકાવવામાં આવ્યો હતો. અમારો મુખ્ય ઉદ્દેશ્ય પ્રાણીનો જીવ બચાવવાનો હતો અને બાદમાં અમે તેને જંગલમાં લઈ જતી વખતે બૂસ્ટર ડોઝ આપ્યો.

ઘરોમાં તોડફોડ-પાકને નુકસાન કરવાનો આરોપ: વન અધિકારીએ જણાવ્યું કે 360 દિવસ સુધી આ જંગલી હાથીનું ટ્રેકિંગ કરવામાં આવ્યું હતું, જેમાંથી 188 વખત માનવ વસ્તીમાં હાથી જોવા મળ્યો હતો. પાકને 180 વખત નુકસાન થયું હતું અને મકાનમાં તોડફોડના 13 બનાવો નોંધાયા હતા. 8 જુલાઈના રોજ મોર્નિંગ વોક પર નીકળેલા શિવરામન (60)ના મૃત્યુ માટે PT 7ને પણ જવાબદાર ઠેરવવામાં આવ્યો હતો. આસપાસના ગામડામાં રાત્રે ઓટોરિક્ષા પણ ચાલતી ન હતી અને આ હાથી દ્વારા ખેતીની જમીન અને ખેતીની જમીન નષ્ટ થઈ જતાં ઘણા લોકો વિસ્તાર છોડીને જતા રહ્યા હતા.

હાથીને અપાયું 'ધોની' નામ : PT-7 હાથી હવે ધોની તરીકે ઓળખાશે. અહીં ખુલાસો કરવો જરૂરી છે કે હાથીને ભારતીય ક્રિકેટર MS ધોની સાથે કોઈ લેવાદેવા નથી, પરંતુ હાથીનું નામ પલક્કડના ધોની ગામ પરથી રાખવામાં આવ્યું છે. PT-7ને હવે કુમકી હાથી તરીકે તાલીમ આપવામાં આવશે. જેનો ઉપયોગ અન્ય જંગલી હાથીઓને પકડવા માટે થાય છે. હાથીને પકડ્યા બાદ ધોની અને મુંડુર ગામમાં લોકોએ મીઠાઈ વહેંચીને ઉજવણી કરી હતી. ઉંચા પર્વતો અને ધોધ વચ્ચેનો લગભગ 12 કિમી દૂર એક આરક્ષિત જંગલ વિસ્તાર ધોની ગામે ઓળખાય છે.