Iksha Kerung Photos: સિક્કિમની આ મહિલા પોલીસ બોક્સર, બાઈકર અને છે સુપર મોડેલ

સિક્કિમની દીકરી (Sikkim girl Eksha Hang Subba) ઇક્ષા હેંગ સુબ્બા (Eksha Hang Subba), ઉર્ફ ઇક્ષા કેરુંગ (Iksha Kerung) એ વાતની સાબિતી છે કે મહિલા ધારે તો વિવિધ ક્ષેત્રમાં સિદ્ધિ મેળવી શકે છે અને તેમના માટે કંઈ જ અશક્ય નથી. જી હા, ઇક્ષા કેરુંગ એક પોલીસ અધિકારી હોવા ઉપરાંત નેશનલ લેવલ બોક્સર, બાઈક રાઈડર અને સુપરમોડેલ છે. તેણે તાજેતરમાં ટીવી રિયલિટી શો ‘MTv સુપર મોડેલ ઓફ ધ યર સીઝન 2’ના ટોપ-9 સ્પર્ધકોમાં જગ્યા બનાવી છે.

હવે જોવાનું એ છે કે તે આ સીઝન જીતીને ‘સુપર મોડેલ ઓફ ધ યર’નો ખિતાબ મેળવે છે કે નહીં. મલ્ટી-ટેલેન્ટેડ ઇક્ષા આટલા બધાં કામ એકસાથે કરી શકે છે એ સાંભળીને તમને જરૂર નવાઈ લાગશે. તેના ફોટોઝ પણ તમને દંગ કરી દેશે. એક મહત્વકાંક્ષી મહિલા તરીકે તે અન્યો માટે પ્રેરણા બની છે.

2019માં બની સિક્કિમ પોલીસ ઓફિસર: ઇક્ષા વર્ષ 2019માં સિક્કિમ પોલીસમાં ભર્તી થઈ હતી. જોકે, તેને હંમેશાથી મોડેલિંગનો શોખ રહ્યો છે. તેનો આ જ શોખ તેને ‘MTv સુપર મોડેલ ઓફ ધ યર સીઝન 2’ના મંચ સુધી લઈ ગયો. તેની સિદ્ધિએ તમામના દિલ જીતી લીધા છે.

મલાઈકાએ આપ્યું સ્ટેન્ડિંગ ઓવેશન: જ્યારે ઇક્ષાએ શોના મંચ પર પોતાનો પરિચય આપ્યો ત્યારે શોના પેનલિસ્ટોમાંથી એક એવી અભિનેત્રી મલાઈકા અરોરાએ ઇક્ષાને સ્ટેન્ડિંગ ઓવેશન આપતાં કહ્યું હતું કે- આવી મહિલાઓને સેલ્યુટ કરવાની જરૂર છે.

19 વર્ષની વયે પોલીસમાં ભર્તી થઈ ઇક્ષાઃ ઇક્ષા ફક્ત 19 વર્ષની હતી જ્યારે તેનું સિલેક્શન સિક્કિમ પોલીસમાં થયું. તે વર્તમાનમાં સિક્કિમ પોલીસ અધકારી તરીકે કાર્યરત છે જેને પોતાના કામથી બહુ લગાવ છે.

આ છે ઇક્ષાનું સપનુંઃ આ પહેલાં ઇક્ષા નેશનલ લેવલની બોક્સર રહી ચૂકી છે. તેને બાઈક ચલાવવી પણ બહુ ગમે છે. ઇક્ષાનું સપનું છે કે તે ‘સુપર મોડેલ’ બનીને એ સાબિત કરી બતાવે કે એવું કોઈ ક્ષેત્ર નથી જ્યાં મહિલાઓ સફળતા ન મેળવી શકે.

મહિલાઓ માટે પ્રેરણાઃ ખરેખર, તે એવી મહિલાઓ માટે એક પ્રેરણા છે, જે પોતાના કમ્ફર્ટ ઝોનમાંથી બહાર નીકળીને વિવિધ ક્ષેત્રોમાં પોતાનું નસીબ આજમાવા માગતી હોય.

સોશ્યલ મીડિયા પર છે ફેમસઃ Eksha Kerungના ઇન્સ્ટાગ્રામ પર 15 હજારથી પણ વધુ ફોલોઅર્સ છે. તેણે પોતાના બાયોમાં લખ્યું છે કે તે એક પોલીસ કર્મચારી, સુપર મોડેલ, બોક્સર, બાઈક રાઈડર અને હાઈકર છે.