નારિયેળ, યુકોલિપ્ટસ અને તાડ જેવા ઊંચા વૃક્ષો પર ચડતા લોકોને દોરડાંનો ઉપયોગ કરવો પડે છે. આ દરમિયાન તેઓએ ખૂબ જ ઊંચું જોખમ લેવું પડશે. પરંતુ હવે આ ખતરો ઘટાડી શકાય છે. કારણ કે કર્ણાટકના એક ખેડૂતે એવું મશીન તૈયાર કર્યુ છે, જેનાથી સરળતાથી વૃક્ષો પર ચઢી શકાય છે. આ મશીન કોઈપણ ઊંચા વૃક્ષ પર ચડવા માટે મદદરૂપ છે.
કર્ણાટકના મેંગલોરમાં Szimamuda ગામમાં રહેતા એક ખેડૂત ગણપતિ ભટ્ટે એવું મશીન તૈયાર કર્યુ કે જેનાથી કોઇપણ સરળતાથી ઉંચા વૃક્ષો પર ચઢી શકે છે. ઊંચા વૃક્ષો પર ચઢવા માટે એક એવું મશીન બનાવવામાં આવ્યું છે જે બરાબર ખુરશી જેવું છે. મશીન વૃક્ષના થડમાં ફીટ કરીને તેને ચાલુ કરી સેકન્ડમાં જ ઝાડની ઉંચાઇ સુધી પહોંચી શકાય છે.
ખેડૂત ગણપતિ ભટ્ટે કહ્યું કે આ અત્યંત સરળ અને ઉપયોગી શોધ છે. આના મદદથી 60 થી 80 કિલોગ્રામનો કોઈપણ વ્યક્તિ તેના પર બેસીને સળતાથી વૃક્ષની ઊંચાઈ સુધી પહોંચી શકે છે. સૌથી મહત્વની વાત એ છે કે મશીન પેટ્રોલથી ચાલે છે. આ મશીનમાં સલામતી અને સુરક્ષાની વિશેષ કાળજી લેવામાં આવી છે.
જોઇ શકાય છે તે આ બાઇક કેટલી મજબુત છે. આ ફોટોમાં ઝાડ સાથે બાંધેલા આ બાઇક મશીન પર ઉભા રહીને વ્યક્તિને ઉચાઇ પર ચઢતા જોઇ શકો છો. નાળિયેરનાં વૃક્ષ 100-100 ફીટ ઉચા હોય છે. આ સમય દરમિયાન ખેડૂતોને વૃક્ષ પર ચઢી જવા માટે અનેક પ્રયત્નો કરવા પડે છે.
જ્યારે ખેડૂતોને આ વૃક્ષો પર રસાયણો છાંટવાનુ હોય છે, ત્યારે વૃક્ષની ઊંચાઈ સુધી પહોંચવા દોરડાંનો ઉપયોગ થાય છે, જે ખૂબ જોખમી પુરવાર થાય છે. તેથી, બાઇક આવા મુશ્કેલ કાર્યોને સરળ બનાવવા માટે ખૂબ જ અસરકારક છે.
