નોકરી-ઘર છોડીને આ કપલે 2 વર્ષ સુધી મનાવ્યું હનીમૂન, કર્યો અધધધ.. રૂપિયાનો ખર્ચ

couple honeymoon: લગ્ન બાદ હનીમૂન (honeymoon after marriage) પર તો બધા લોકો જતા હોય છે પરંતુ એક ન્યૂલીવેડ કપલના સ્પેશિયલ 'ફેમિલીમૂન' (familymoon) વિશે જાણીને તમે ચોંકી જશો. 2019માં લગ્ન બાદ રોસ અને સારા બૈરેટ તેમના દીકરા અને શ્વાન સાથે વિદેશમાં હનીમૂન ઉજવવા નીકળી પડ્યા હતા. કપલે એક વેન દ્વારા 13 લાખ કરતા પણ વધારે રૂપિયા ખર્ચીને 2 વર્ષનું યાદગાર હનીમૂન સેલિબ્રેટ (Celebrate a memorable 2 year honeymoon) કર્યું હતું. (All photos Credit: SUPPLIED)

આ દરમિયાન તેમણે પોતાનું ઘર આશરે 81 હજાર રૂપિયાના હિસાબથી ભાડે ચડાવી દીધું હતું અને દીકરા રિલી અને બ્લેક લેબ્રાડોર સાથે કેમ્પર વાનમાં જ શરણ લઈ લીધું હતું. તેમણે હનીમૂનના 5 વર્ષ પહેલા 2014માં તે વાન ખરીદી હતી. આ દરમિયાન તેઓ સમગ્ર યુરોપ સહિત ફ્રાંસ, સ્વિત્ઝરલેન્ડ, ઈટાલી, સ્પેન, તુર્કી, અને બલ્ગેરિયા સહિત અનેક દેશોમાં ફર્યા હતા.

હાલ તેઓ ઈંગ્લેન્ડ પોતાના ઘરે પાછા આવી ગયા છે. હવે તેમનો દીકરો 5 વર્ષનો થઈ ગયો છે જે તે સમયે 3 વર્ષનો હતો. ઘરે પાછા આવ્યા બાદ તેઓ પોતાની એડવેન્ચર ટ્રિપને ખૂબ યાદ કરી રહ્યા છે. પરિવારે પોતાની જૂની લાઈફ સ્ટાઈલનો ત્યાગ કરીને નવા ઘૂમક્કડ અંદાજને અપનાવવાની યોજના બનાવી છે.

રોસ પહેલા એક રોયલ મરીન કમાન્ડો હતો. ફેમિલીમૂનનો તેમનો દરેક દિવસ રોમાંચક હતો. જ્યારે પણ તેઓ વાનનો દરવાજો ખોલતા ત્યારે એક નવી જગ્યાએ હોતા અને ખબર જ ન હોતી કે આગળ શું થવાનું છે.

આ દરમિયાન તેમણે બાળકના અભ્યાસ સાથે કોઈ સમજૂતી નહોતી કરી અને હોમ સ્કુલિંગ દ્વારા તેને ભણાવ્યો હતો. આ ટ્રિપ દરમિયાન તેમનું સ્લોગન હતું કે, 'એવરી ડે ઈઝ એ સેટર્ડે.' તેમની વાન ખૂબ નાની હતી અને નહાવા, ભોજન માટે તેમણે વાનમાંથી બહાર નીકળવું પડતું.

સારાએ જણાવ્યું કે, મહામારીનો તેમનો અનુભવ સારો રહ્યો કારણ કે લોકડાઉનમાં ઘરે તેઓ કેદ થઈ જાત જ્યારે ફેમિલીમૂન દરમિયાન એ સમય તેમણે ખૂબસૂરત દરિયા કિનારાઓ પર વિતાવ્યો.