Pictures : પરિવાર રહે છે સ્વર્ગમાં! પોતે ઉગાડે છે ખોરાક, બાળકોએ ક્યારેય નથી જોઈ શાળા

એલેન ફિશર કહે છે કે તે તેના બાળકોની માતા તેમજ શિક્ષક છે અને તેમની સંભાળ લેવાની તમામ જવાબદારી તેમના પર જ છે. એલેન તેની યુટ્યુબ ચેનલ ચલાવે છે અને ઇન્સ્ટાગ્રામ પર તેના જીવનની તસવીરો શેર કરતી રહે છે.

તેણે તેના પતિ એન્ડ્યૂ સાથે તેના 4 બાળકોને ઉછેર્યા છે. જેમાં 10 વર્ષનો એલ્વિસ, 6 વર્ષનો સેન્ડી, 3 વર્ષની પુત્રી સ્કાઉટ અને એક નવજાત બાળકનો સમાવેશ થાય છે.

એલેનના 7,25,000 સબસ્ક્રાઇબર્સ છે. તે તેના ફોલોઅર્સને તેની તંદુરસ્ત જીવનશૈલી અને ઝાડમાંથી મળતા ખોરાકની રેસેપી શેર કરતી રહે છે. તે ટાપુના સરળ જીવન અને પાલનપોષણની વિવિધ રીતો પણ સમજાવે છે.

34 વર્ષીય એલેનના ઇન્સ્ટાગ્રામ પર 5,22,000 ફોલોઅર્સ છે. ધ સન અહેવાલ આપે છે કે તેણી તેના બાળકોના ખોરાકથી લઈને શાકાહારી ખોરાક સુધીની બધી વાનગીઓ લોકો સાથે પણ શેર કરે છે. તે સમજાવે છે કે તે કેવી રીતે તેના બાળકોને ઝાડમાંથી મળતા ખોરાકથી પોષણ આપે છે.

એલેન પોતે ૧૫ વર્ષથી વીગન ડાયેટ પર છે. તેણે તેના ૪ બાળકોને પણ વીગન આહાર જ આપ્યો છે. 6 લોકોનો પરિવાર રોજ ઘરે જ ભોજન બનાવે છે. તેમના ઘરમાં માત્ર વીગેન ખોરાક જ બને છે. તેઓ ખોરાકમાં સ્થાનિક ફળોનો ખૂબ જ ઉપયોગ કરે છે, જ્યારે શાક અને રોટલી ઘરે બનાવવામાં આવે છે.

તે તેના બાળકોને અભ્યાસ માટે શાળાએ મોકલવાને બદલે ઘરે શીખવે છે. એલેન અને તેનો પતિ બાળપણના મિત્રો રહ્યા છે અને સાથે મળીને બિઝનેસ એડમિનિસ્ટ્રેશનની ડિગ્રી લીધી હતી. જોકે હવે તે સોશિયલ મીડિયાની સ્પોન્સરશિપમાંથી પોતાના પૈસા કમાય છે.

એલેન પાસે પોતાનું પોડકાસ્ટ પણ છે. અહીં તે લોકોને હવાઈના સ્થાનિક જીવન અને વીગન આહાર વિશે કહે છે. તેમને 2018માં મોઈમાં પોતાનું ઘર લીઘુ હતું. તેઓ મોટાભાગે પોતાના માટે ફળો અને શાકભાજી ઉગાડે છે. ઘરે જામ અને સોસ બનાવે છે. તે કહે છે કે તે મેફિંન, હમસ અને બાળકોની મનપસંદ વસ્તુઓ તે જાતે બનાવે છે, જેથી તેમને સુપરમાર્કેટના ચક્કર પણ નથી લગાવા પડતા અને ઘણા બઘા પૈસાની બચત થાય છે.