OMG: સ્પીડ બ્રેકર પર ઉછળી કાર, આગળ જતી કારને મારી જોરદાર ટક્કર, જુઓ PHOTOS

કરનાલ. હરિયાણા (Haryana)ના કરનાલ જિલ્લા (Karnal District)ના નવા સ્માર્ટ રોડ (New Smart Road) પર અનેક દુર્ઘટનાઓ જોવા મળી રહી છે. રાત્રે પણ બે કારોની જોરદાર ટક્કર જોવા મળી છે. આ દુર્ઘટનામાં બંને કારો ખૂબ જ ગંભીર રીતે ક્ષતિગ્રસ્ત થઈ ગઈ છે.

મૂળે, આ રોડ પર સ્પીડ બ્રેકર બનાવેલું છે અને તે ઘણું ઊંચું છે. અહીં સ્પીડબ્રેકર છે તેવું કોઈ ઈન્ડિકેશન પણ મૂકવામાં નથી આવ્યું. જેના કારણે લોકોને ખબર જ નથી રહેતી કે આગળ સ્પીડબ્રેકર છે. આ ઉપરાંત ગંભીર બાબત એ છે કે આ સ્પીડબ્રેકર નિયત સાઇઝ કરતાં મોટું બનાવવામાં આવ્યું છે. જેના કારણે દુર્ઘટનાની શક્યતા વધારે રહે છે.

કાલ રાત્રે એક કાર જેવી સ્પીડ બ્રેકર પાસે પહોંચી તો પાછળ આવી રહેલી એક ઓવરસ્પીડ કાર સ્પીડ બ્રેકર પર પહોંચ્યા બાદ હવામાં ઉછળી અને આગળ જઈ રહેલી કાર ઉપર જઈને પછડાઈ.

જેના કારણે આગળ જઈ રહેલી કાર પલટી ગઈ. બંને કારમાં જે લોકો સવાર હતા તેમને નસીબજોગે સામાન્ય ઈજાઓ થઈ અને તેમને કારની બહાર કાઢીને પ્રાથમિક ઉપચાર કરવામાં આવ્યો.

આ અકસ્માતમાં બંને કાર ગંભીર રીતે ક્ષતિગ્રસ્ત થઈ ગઈ. પોલીસે ક્રેનને બોલાવીને કારોને સાઇડમાં કરી જેથી બીજી દુર્ઘટના ન સર્જાય અને ટ્રાફિક પહેલાની જેમ ચાલુ થઈ શકે.

નોંધનીય છે કે, કરનાલના રસ્તાઓને સુંદર બનાવવામાં આવી રહ્યા છે જે સ્માર્ટ સિટી પ્રોજેક્ટનો હિસ્સો છે. પણ ઊંચા બનાવવામાં આવેલા સ્પીડ બ્રેકરને કારણે પહેલા પણ અકસ્માતની ઘટનાઓ બનતી રહી છે. પ્રશાસનને લોકોએ અપીલ કરી છે કે સ્પીડ બ્રેકર માટે સાઇન બોર્ડ મૂકવામાં આવે.