હિજાબ અને બુરખા વગર ફરતી અફઘાની પોપસ્ટારને તાલિબાનો શોધતા રહ્યાં અને તે વિદેશ ભાગી ગઇ

અફઘાનિસ્તાન (Afghanistan)ની લોકપ્રીય પોપ સ્ટાર આર્યના સઇદ (Aryana Sayeed) દેશ છોડીને ભાગવામાં સફળ રહી છે. તે ઘણી જ ખુશનસીબ છે કે તેને આ તક મળી નહીં તો આર્યના જો તાલિબનીઓનાં હાતમાં લાગી જતી તો કદાચ તેની સાથે ખુબજ ખરાબ થાત. આર્યનાએ તેનાં સોશિયલ મીડિયા પેજ પર તાલિબાનનાં ચંગુલથી બચવાની માહિતી આપી છે.

આર્યના સઇદ (Aryana Sayeed)એ તેનાં 1.3 મિલિયન ઇન્સ્ટાગ્રામ ફોલોઅર્સને જણાવ્યું કે તે સહી સલામત છે. તેણે લખ્યું કે, 'કેટલીક ભયાનક રાતો બાદ હું કતાર પહોંચી ચૂકી છું. અને ઇસ્તાંબૂલ માટે મારી અંતિમ ઉડાનની રાહ જોઇ રહી છું. તેનાં થોડા સમય બાદ તેણએ માહિતી આપી કે, તે ઇસ્તાંબુલ માટે નીકળી ગઇ છે.'

આર્યના સઇદ (Aryana Sayeed) અફઘાની પોપસ્ટાર છે. તેણે જણાવ્યું કે, તેની પાસે દેશનાં ભયાનક પરિસ્થિતિ અંગે તમામ કહાનીઓ છે. તે તાલિબાનનાં પંજામાંથી કેવી રીતે બચવામાં સફળ રહી. જોકે આર્યના સઇદનાં માતા-પિતાએ ત્યારે જ અફઘાનિસ્તાન છોડી દીધુ હતું જ્યારે તે આઠ વર્ષની હતી. જોકે આર્યના અવાર નવાર તેનાં દેશ આવતી જતી પણ તેનો પરિવાર લંડન શિફ્ટ થઇ ગયો છે.

જે સમયે તાલિબાને કાબુલ પર કબ્જો કર્યો, પોપ સ્ટાર ત્યાં જ હતી. તાલિબાનનો પ્રયાસ રહ્યો હતો કે, ત આર્યના સઇદને પકડવામાં સફળ થઇ જાય. જો એવું થાત તો આર્યના સઇદ માટે ખુબજ ખરાબ થાત. જે રીતે તાલિબાને દેશમાં કહેર વર્સાવ્યો છે. તેનાંથી અંદાજો લગાવી શકાય છે કે, તેઓ આર્યના સાથે શું કરી શકતાં

આર્યના અફઘાનિસ્તાનમાં ઘણી જ લોકપ્રિય છે તે અહીંનાં રિયાલિટી શો 'ધ વોઇસ'ની જજ પણ છે. તે અમેરિકન કાર્ગો જેટમાં સવાર થઇ તુર્કીની રાજધાની ઇસ્તાંબુલથી નીકળી ગઇ છે. અને ઇન્સ્ટાગ્રામ પર તેણએ તેની તસવીર શેર કરી તેનાં ફોલોઅર્સને માહિતી આપી છે.

બુરખા અને હિજાબ વગર નજર આવતી આર્યનાએ વર્ષ 2014માં એક અમેરિકન ચેનલને આપેલાં ઇન્ટરવ્યૂંમાં જણાવ્યું હતું કે, તે કટ્ટરપંથી નેતાઓએ તેની હત્યાનું ફરમાન જારી કર્યુ હતું. આર્યનાએ દાવો કર્યો હતો કે, તાલિબાનીઓ તેને મારવાં પર જન્નત નસીબ થયાની વાત કરી હતી. (All Photos Credit- Instagram)