ગંગા કિનારે હિન્દુ વિધિથી વિદેશી યુગલે લગ્ન કર્યા, જુઓ તસવીરો

વારાણસીમાં (Varanasi) ગંગા કિનારે ગુરુવારે વિદેશી કપલે (Foreign Couples) હિન્દુ રીતિ રિવાઝથી (Hindu custom) લગ્ન કરીને સાત જન્મોના બંધનમાં બંધાયા હતા. આશરે ત્રણ કલાક સુધી ચાલેલા વૈવાહિક કાર્યક્રમમાં બધા રીતિ રિવાજોનો ઉપયોગ કરવામાં આવ્યો હતો જે હિન્દુ લગ્નોમાં (Hindu marriage) અપવાનામાં આવે છે.

ભારતીય યુગલની જેમ ફ્રાન્સના મારિન અને રેયૂનિયાના લોદ્રિયાએ ભારતીય પોશાક પહેરી રાખ્યા હતા. દુલ્હને ચુંદડી સાથે લાલ સાડી અને દુલ્હાએ ચુડીદાર પાયજામા સાથે કુર્તો અને માથા ઉપર પારંપરીક ટોપી પહેરીને સાત ફેરા લીધા હતા. લગ્નમાં સિન્દુર દાન, ફેરા અને કન્યાદાન દરેક રીતિ રિવાજોનું પાલન કરવામાં આવ્યું હતું.

રેયૂનિયા અને મારિન લાંબા સમયથી સાથે રહેતા હતા. બંનેને 14 મહિનાનો પુત્ર છે. વારાણસીના શિવાલામાં ગંગા કિનારે સ્થિત સૂર્યોદય હવેલીમાં કાશીના પંડિત અનિલ ચરુર્વેદીના મંત્રોચ્ચારથી લગ્નની રસમો પૂરી કરવામાં આવી હતી.

લોદ્રિયાંએ જણાવ્યં કે, પાંચવર્ષથી મારિનની સાથે પ્રેમ સંબંધ હતો. આ પહેલા બંને આશરે પાંચ વખત ભારત આવી ચૂક્યા છે. પરંતુ કાશીમાં ફરવા આવ્યા તો તેમને અહીંની સભ્યતા સંસ્કૃતિ અને અહીંનો અંદાજ ખુબ જ પસંદ આવ્યો હતો. ત્યારબાદ બંનેએ કાશીમાં લગ્ન કરવાની યોજના બનાવી હતી.

લોદ્રિયાં આફ્રિકી દ્વીપ રેયૂનિયાંની રહેવાસી છે. જ્યાં મોટી સંખ્યામાં ભારતીય રહે છે. અહીં કાલી સાથે શિવ ભક્ત પણ છે. ભારતીઓમાં ભક્તિભાવ જોયા પછી ભારત આવ્યા ત્યારે અહીંની સંસ્કૃતિએ તેમને મોહી લીધા હતા. ખાસકરીને કાશીમાં આવીને તેઓ ખુબ જ પ્રભાવીત થયા હતા. અહીં લગ્ન કરવાનો નિર્ણય કર્યો હતો.