PHOTOS: એક સમયે કંપનીમાં મેનેજરનો સંભાળતા હતા હોદ્દો, હવે શાકભાજી વેચવા લાચાર

રોહતકઃ લૉકડાઉન (Lockdown) દરમિયાન લોકોના રોજગાર પ માઠી અસર પડી છે. પરંતુ કેટલાક લોકો એવા છે જેઓએ આત્મનિર્ભર બનીને લોકોને નવી દિશા દર્શાવી છે જેથી તેઓ દરેક મુશ્કેલીનો મજબૂતાઈથી સામનો કરી શકે. આવી જ એક વ્યક્તિ છે રોહતકના રિન્કૂ સૈની જેઓએ લૉકડાઉનમાં પોતાની નોકરી ગુમાવી પરંતુ હાર ન માની. તેઓ હવે મોહલ્લા-સોસાયટીઓમાં જઈને શાકભાજી વેચીને પરિવારનું ગુજરાન ચલાવી રહ્યા છે. (Photo: News18)

લૉકડાઉન પહેલા રિન્કૂ દિલ્હીની એક કંપનીમાં મેનેજરના પદે કાર્યરત હતા. નાના ભાઈ અને તેમના પિતા પણ એ જ કંપનીમાં કામ કરતા હતા, પરંતુ કોરોના સંકટ દરમિયાન ત્રણેયને પોતાની નોકરી ગુમાવવી પડી, કારણ કે કંપની બંધ થઈ ગઈ હતી. (Photo: News18)

પરિવારને ભૂખે મરવા ના દિવસો આવી ગયા હતા, પરંતુ રિન્કૂએ મહેનત કરવાનું નક્કી કર્યું અને જે એક સમયે કંપનીના મેનેજર હતા અને જેમના હાથ નીચે 70 કર્મચારી કામ કરતા હતા તેઓ હવે ઘરે ઘરે જઈને શાકભાજી વેચે છે અને પરિવારના લોકોને પણ પોતાના આ કામમાં જોતરી દીધા છે. (Photo: News18)

રિન્કૂનું કહેવું છે કે મહેનત કરવામાં કોઈ શરમ નથી હોતી. શરૂઆતમાં જ્યારે તેમણે શાકભાજી વેચવાનું નક્કી કર્યું તો પડોશીઓએ સવાલ પણ કર્યા કે આ કેવું કામ કરી રહ્યા છો, તમે એક કંપનીમાં મેનેજર રહી ચૂક્યા છો. (Photo: News18)

રિન્કૂનું કહેવું છે કે મુશ્કેલ સમય છે, તેમાં પરિવારનું ગુજરાન પણ કરવાનું હતું તેથી તેમણે શાકભાજી વેચવાનું નક્કી કર્યું, હવે પરિવારનું યોગ્ય રીતે ગુજરાન થઇ રહ્યું છે. જ્યારે કંપની ફરીથી ખુલશે તો નોકરી કરવા અંગે વિચારીશું. (Photo: News18)