Kristina Ozturk Photos: માત્ર 24 વર્ષની ઉંમરે 21 બાળકોની માતા બની આ મહિલા, આવી રીતે સંભાળે છે પરિવાર

જ્યોર્જિયા (Georgia)ની રહેવાસી ક્રિસ્ટીના ઓઝટર્ક (Kristina Ozturk) આ દિવસોમાં ખૂબ ચર્ચામાં છે. માત્ર 24 વર્ષની વયે તે 21 બાળકોની મા બની ગઈ છે. આ બાળકો સરોગસીથી પેદા થયા છે. આ માટે મહિલાના પતિને દર મહિને ભારે રકમ ખર્ચ કરવી પડે છે. (Image credit- Instagram @batumi_mama)

પોતાના 21 બાળકોની સારસંભાળ રાખવા માટે ક્રિસ્ટીનાએ 16 આયાને કામ પર રાખી છે. બંનેનું કહેવું છે કે પૈસાથી તેમને એ ખુશી મળી, જે હંમેશા તેમની સાથે રહેશે. (Image credit- Instagram @batumi_mama)

‘ડેલી મેલ’(Daily Mail)ની રિપોર્ટ મુજબ, ક્રિસ્ટીના ઓઝટર્ક જ્યોર્જિયાના કરોડપતિ વ્યક્તિ ગેલીપની પત્ની છે. ઓઝટર્ક દંપતીએ ગયા વર્ષે માર્ચ અને આ વર્ષે જુલાઈ દરમ્યાન સરોગેટ્સના માધ્યમથી માતા-પિતા બનવા માટે 142,000 પાઉન્ડ એટલે કે 1 કરોડ 46 લાખ 78 હજાર 156 રૂપિયા ખર્ચ કર્યા છે. (Image credit- Instagram @batumi_mama)

ક્રિસ્ટીનાએ બાળકોની દેખભાળ માટે 16 નેની (nanny) રાખી છે. તેઓ 24 કલાક ડ્યુટી પર રહે છે. તેમના પર દર વર્ષે 96,000 ડોલર એટલે કે 72,08,265 રૂપિયા ખર્ચ થાય છે. (Image credit- Instagram @batumi_mama)

ક્રિસ્ટીનાના પતિને તેમની પહેલી પત્નીથી બે બાળકો છે. આ રીતે તેમના પરિવારમાં એક જ છત નીચે કુલ 23 બાળકો રહે છે. (Image credit- Instagram @batumi_mama)

ક્રિસ્ટીના ભાર દઈને કહે છે કે તે એક વ્યવહારિક મા છે. તેણે કહ્યું, ‘હું દરેક સમય બાળકો સાથે રહું છું. હું એ બધું જ કરું છું જે એક મા સામાન્ય રીતે કરે છે. તફાવત ફક્ત બાળકોની સંખ્યાનો છે. દરેક દિવસ અલગ હોય છે, સ્ટાફ શેડ્યુલની યોજના બનાવવાથી માંડીને મારા પરિવાર માટે શોપિંગ સુધીના કામ હું કરું છું.’ (Image credit- Instagram @batumi_mama)

ક્રિસ્ટીના ઇન્સ્ટાગ્રામ (batumi mama instagram) પર પોતાના દૈનિક જીવન અંગે જાણકારી આપતી રહે છે અને બાળકો સાથેના સુંદર ફોટોઝ શેર કરતી રહે છે. તેને સોશ્યલ મીડિયા પર 160,000 લોકો ફોલો કરે છે. તે પોતાના વિડીયોમાં મોટેભાગે બાળકોનું જમવાનું બનાવતી અને તેમની સાથે ખેલકૂદ કરતી જોવા મળે છે. (Image credit- Instagram @batumi_mama)