મેટલ ડિટેક્ટરના લીધે કિસ્મત ચમકી, 1200 વર્ષ જૂનો રેર સોનાનો સિક્કો મળતા 'કરોડોની લોટરી' લાગી

યુકે : એક કહેવત છે કે માણસની કિસ્મત રાતોરાત ચમકી શકે છે અને આ ઉક્તિ યુનાઇટેડ કિંગ્ડમના (UK) એક શખ્સ માટે સાચી ઠરી છે. અહીંયા ટ્રેઝર હન્ટ દરમિયાન મેટલ ડિટેક્ટરના કારણે એક શખ્સની કિસ્મત ચમકી ગઈ. આ શખ્સને માટીના ઢગલાઓમાં દટાયેલા 1200 વર્ષ જૂનો (1200 yers old Gold Coin) રેર સોનાનો સિક્કો હાથમાં લાગ્યો છે. આ સિક્કાની કિંમત એન્ટિક બજારમાં 2 કરોડથી શરૂ થાય છે.

યુકેના વેસ્ટ સસેકની આ ઘટનામાં મળી આવેલો આ સોનાનો સિક્કો સાત ઈંચ નીચે છૂપાયેલા હતો. આ સિક્કાની ઓળખ એંગ્લો સેક્સને ગોલ્ડ કૉઇન તરીકે થઈ છે. બજારમાં આ સિક્કાની કિંમત કરોડોમાં છે. આ શખ્સને સિક્કો તો માર્ચ 2020માં મળ્યો હતો.

એવું કહેવાય છે કે આ શખ્સ આ સિક્કો 8 વર્ષથી આ સિક્કાની શોધ કરી રહ્યો હતો. દરમિયાન એને અચાનક જ આ સિક્કો હાથ લાગ્યો જે મેટલ ડિટેક્ટરની બદોલત મળી આવ્યો છે. એક ઈંચથી પણ ઓછા ડાયામીટરનો આ સિક્કો થોડાક ગ્રામનો જ છે.

આ સિક્કા પર EGGBEORHT REXની તસવીર છે અને SAXON શબ્દ અંકિત છે. આ એક સોનાના સિક્કાની કિંમત આમ તો ચાંદીના 30 સિક્કા બરાબર છે પરંતુ તે રેર હોવાના કારણે તેને ઑક્શનમાં મૂકવામાં આવશે.

આ સિક્કાને લંડનના પ્રખ્યાત Dix Noonan Webb દ્વારા નીલામીમાં મૂકવામાં આવશે. ઑક્શન હાઉસનું કહેવું છે કે આ પ્રકારનું સોનું આજના સમયમાં મળવું મુશ્કેલ છે. ઑક્શનમાં આજ સુધી આવા સિક્કા જોવા મળ્યા નથી. સપ્ટેમ્બરમાં આ સિક્કાની બોલી લાગશે.