TRP list માં 'Anupamaa' નો દબદબો, 'Bigg Boss 15'ને ટોપ 5માં ન મળ્યું સ્થાન

ટીવી દર્શકો એ જાણવા ઉત્સુક છે કે, તેમના મનપસંદ શો TRPની રેસમાં ક્યાં ઉભા છે. વર્ષ 2021 પસાર થાય તે પહેલા, 'BARC'એ ટીવી શોની TRP વિશે જણાવ્યું છે. તેણે ટીઆરપીના આધારે ટોપ શોની યાદી જાહેર કરી છે. આ વખતે પણ 'બિગ બોસ 15' ટોપ 5 શોમાં સ્થાન મેળવી શક્યું નથી. ચાલો જાણીએ કે, આ અઠવાડિયે કયો શો TRP રેસમાં ટોચ પર છે.

આ સ્ટાર પ્લસ શોને આખા વર્ષ દરમિયાન દર્શકોનો પ્રેમ મળ્યો. આ જ કારણ છે કે, આ અઠવાડિયે પણ શો 'અનુપમા' TRP લિસ્ટમાં ટોપ પર છે. શોની વાર્તામાં ઘણા જબરદસ્ત ટ્વિસ્ટ હતા, જે દર્શકોને બાંધવામાં સફળ રહ્યા હતા. રાખી દવે ફરી એકવાર શોમાં લોકોનું જીવવું મુશ્કેલ બનાવવા જઈ રહી છે, જેના કારણે આગામી એપિસોડમાં ઘણા નવા ટ્વિસ્ટ જોવા મળશે.

ગુમ હૈ કિસી કે પ્યાર મે - આ અઠવાડિયે ટીઆરપી લિસ્ટમાં આ શો બીજા નંબર પર છે. શોમાં શ્રુતિ નામના નવા પાત્રની એન્ટ્રી થઈ છે, જેના કારણે સાઈ માટે તે વધુ મુશ્કેલ બની ગયું છે. તેઓ પહેલેથી જ પાખીના કારણે મુશ્કેલીમાં છે. દર્શકો આગામી એપિસોડમાં જોશે કે કેવી રીતે સાઈ સત્ય જાણવા માટે શ્રુતિ સાથે જોડાય છે.

ઈમલી - આ સિરિયલ હાલમાં દર્શકોનું ખૂબ જ ધ્યાન ખેંચી રહી છે. શોની સ્ટોરી એ તબક્કે પહોંચી ગઈ છે, જ્યાં માલિની અને આદિત્ય લગ્નના બંધનમાં બંધાવાના છે. ઈમલી ઈચ્છતી નથી કે આ લગ્ન થાય. શો 'ઈમ્લી' આ અઠવાડિયે TRP લિસ્ટમાં ત્રીજા સ્થાને છે.

યે રિશ્તા ક્યા કહેલાતા હૈ - પ્રણાલી રાઠોડ અને હર્ષદ ચોપરા અભિનીત શો 'યે રિશ્તા ક્યા કહેલાતા હૈ' આ અઠવાડિયે ટીઆરપી લિસ્ટમાં ચોથા નંબરે છે. શોએ તેના ટ્વિસ્ટ અને ટર્ન્સથી દર્શકોને આકર્ષિત કર્યા. દર્શકોએ જોયું કે કેવી રીતે અક્ષરાએ અભિમન્યુની સામે તેના હૃદયના રહસ્યો જાહેર કર્યા. આગળ શું થશે તે જાણવું ખૂબ જ રોમાંચક છે.

યે હૈ ચાહતે - શરૂઆતમાં, દર્શકોને આ શો વધુ પસંદ આવ્યો ન હતો, પરંતુ સમય જતાં, દર્શકોમાં તેના વિશે ખૂબ જ રસ જાગ્યો છે. આ કારણોસર, આ શો આ અઠવાડિયે 5 માં નંબર પર છે.