યોન શોષણમાં આરોપમાં ફસાઇ રજનીકાંતની કો-સ્ટાર, મહિલા આર્ટિસ્ટે લગાવ્યો આરોપ

યૌન શોષણનાં આરોપમાં ફસાઇ રજનીકાંતની કો-સ્ટાર, મહિલા આર્ટિસ્ટે આરોપ લગાવ્યો કે એક્ટ્રેસ માયાએ મારું યોન શોષણ કર્યુ છે

દેશમાં ગત કેટલાંક દિવસોમાં 'મી ટૂ' અભિયાન ચર્ચામાં છે. આ વચ્ચે ચેન્નઇની એક આર્ટિસ્ટે એક્ટ્રેસ માયા એસ. કૃષ્ણન પર યૌન ઉત્પીડનનો આરોપ લગાવ્યો છે. માયા કૃષ્ણને આ આરોપોને ખારિજ કરી દીધા છે. માાય હાલમાં સુપરસ્ટાર રજનીકાંતની આવનારી ફિલ્મ 2.0ને લઇને ચર્ચામાં છે.

'મી ટૂ' હેઠળ આ બીજો કિસ્સો છે જ્યાં એક મહિલા પર આરોપ લગા્યા છે. કે તેણે કોઇ મહિલા આર્ટિસ્ટનું યોન શોષણ કર્યુ હોય. ચેન્નઇમાં રહેનારી આર્ટિસ્ટ અનન્યા રામપ્રસાદે ફેસબુક પોસ્ટમાં લખ્યુ છે કે, 'હું યૌન, માનસિક, ભાવનાત્મક ઉત્પીડન અને અભદ્રતાનો શિકાર થઇ છું અને તે પણ માયા એસ કૃષ્ણનનાં હાથે'

જોકે કૃષ્ણને તેનાં ફેસબૂક પેજ પર તેનાં પર લાગેલા તમામ આરોપોનું ખંડન કરતા કહ્યું કે હું તેને મદદ કરવાનાં પ્રયાસ કરતી હતી. હવે અનન્યા કાયદાકીય પ્રક્રિયાનો સામનો કરવા તૈયાર રહે.

એક્ટર વિક્રમની આગામી ફિલ્મ 'ધ્રુવ નટચતીરામ'માં પણ કામ કરી રહેલી કૃષ્ણને કહ્યું કે, 'હું પોસ્ટમાં લખેલા તમામ આરોપોનું ખંડન કરુ છું. તેને બાળક સમજવી મારી ભૂલ હતી. હવે હું આવું નહીં કરું'

ગત મહિને જ પ્રખ્યાત સ્ટેન્ડ અપ કોમેડિયન કનીઝ સુરકાએ અદિતિ મિત્તલ પર બે વર્ષ પહેલાં એક કોમેડી શોમાં જબરદસ્તી કિસ કરવાનો આરોપ લગાવ્યો હતો. મિત્તલે આ મામલે કોઇ શરત વગર માફી માંગી હતી.