TMKOC: 'બબીતા ​​જી' અને 'ટપ્પુ'ના આ Photos જોઈ ચોંકી જશો, ફેન્સે કહ્યું- 'બેટા, જેઠા તુજે માફ નહીં કરેગા'

TMKOC: 'તારક મહેતા કા ઉલ્ટા ચશ્મા' (Taarak Mehta Ka Ooltah Chashmah) ટીવી પર સૌથી વધુ જોવામાં આવતો શો છે. છેલ્લા 13 વર્ષથી શોનું દરેક પાત્ર ઘર-ઘર બધાને હસાવી રહ્યા છે. શોની લોકપ્રિયતા એટલી છે કે, હવે લોકો તેના દરેક પાત્ર વિશે પર્સનલ વાતો જાણવા માંગે છે. તાજેતરમાં, શોના 'બબીતા ​​જી' એટલે કે મુનમુન દત્તા (Munmun Dutta) અને 'ટપ્પુ' એટલે કે રાજ અંદકત (Raj Anadkat) વચ્ચે વાસ્તવિક જીવનમાં અફેરના સમાચાર ચર્ચામાં હતા. આ સમાચારો વચ્ચે, બંનેની એક તસવીર સોશિયલ મીડિયા પર વાયરલ થઈ રહી છે, જેને જોયા પછી શોના ચાહકો ખૂબ મજા કરી રહ્યા છે.

વાસ્તવમાં, મુનમુન દત્તા અને રાજ અંદકત બંને આ તસવીરમાં હાથમાં હાથ નાખેલા જોવા મળી રહ્યા છે. આ તસવીર તેના એક ફેન પેજ દ્વારા ઇન્સ્ટાગ્રામ પર શેર કરવામાં આવી છે. તસવીરમાં તે બંનેને ખૂબ નજીકથી જોઈને લોકો ઘણી કોમેન્ટ કરી રહ્યા છે.

તસવીરમાં મુનમુન અને રાજ બંને હાથ પકડીને સુંદર સ્મિત કરતા જોવા મળી રહ્યા છે. આ તસવીર વાયરલ થયા બાદ ફરી એકવાર મુનમુન દત્તા અને રાજ અંદકતના અફેર અને લવ એન્ગલની ચર્ચાઓ તેજ થઈ ગઈ છે.

તસવીર પર ટિપ્પણી કરતા એક ચાહકે લખ્યું - 'બેટા, જેઠા તુજે કભી માફ નહીં કરેગા' બીજાએ લખ્યું - 'ઈતને છોટે બચ્ચે કો એસે કેસે પ્યાર હો ગયા'. કેટલાક લોકોને બંનેની જોડી પસંદ આવી રહી છે, જ્યારે કેટલાક લોકો એવા છે, જે તેમના સંબંધો પર સવાલ ઉઠાવી રહ્યા છે. જો કે મુનમુન અને રાજ બંનેએ હજુ સુધી તેમના સંબંધો વિશે કોઈ સત્તાવાર માહિતી શેર કરી નથી.

તમને જણાવી દઈએ કે, થોડા સમય પહેલા જ્યારે બંને કલાકારોના અફેરના સમાચાર વાયરલ થયા હતા. ત્યારબાદ મુનમુન દત્તાએ સોશિયલ મીડિયા પર તેમના અંગત જીવન પર સવાલ ઉઠાવનારાઓને ઠપકો આપ્યો હતો.