વિકાસ બહલ પર લગાવેલા આરોપ પર મહિલા અડગ, દાખલ કરી એફિડેવિટ

ફિલ્મ 'ક્વિન'નાં ડિરેક્ટર વિકાસ બહલ પર યૌન શોષણનાં આરોપ લગાવનારી મહિલાએ તેની એફિડેવિટમાં કહ્યું કે, તે તમામ આરોપો પર કાયમ છે. આ મહિલા તે જ છે જેને હફિંગટન પોસ્ટની સાથે એક ઇન્ટરવ્યૂમાં બહલ પર યૌન શોષણનો આરોપ લગાવ્યો હતો.

દુર્વ્યવહારનાં કેસમાં ગોવામાં બોમ્બે વેલવેટ (2015)માં પ્રમોશનલ ટૂર દરમિયાનનું છે. મહિલાએ તેમ પણ કહ્યું હતું કે, આ મામલે તેણે અનુરાગ કશ્યપ સાથે પણ વાત કરી હતી. પણ તે સમયે તેણે કંઇ જ એક્શન લીધા ન હતાં. બાદમાં અનુરાગે ટ્વિટ કરીને માફી માંગી હતી.

શું કહ્યું બોમ્બે હાઇકોર્ટે? - રિપોર્ટ્સ અનુસાર, બોમ્બે હાઇકોર્ટે બહલની તે અરજી પર સુનવણી કરી, જેમાં તેણે તેનાં પૂર્વ પાર્ટનર અનુરાગ કશ્યપ, વિક્રમાદિત્ય મોટવાની અને ત્રણ અન્ય મીડિયા સંસ્થા પર 10 કરોડ રૂપિયાનો માનહાનિનો કેસ કર્યો હતો.

મહિલાએ કોર્ટમાં તેનાં કાયદાકીય સલાહકાર નવરોજ સરવઇ અને વકિલ નેહા મેહરા દ્વારા એક એફિડેવિટ દાખલ કરી છે. જેમાં તેણે તેનાં આરોપો પર બરકરાર રહેવાની વાત કહી છે. સરવઇનું કહેવું છે કે, આ અખબારમાં ખબર વાંચ્યા બાદ મારી ક્લાઇયંટે એફિડેવિડ જમા કરવા પ્રત્યે અનિચ્છા જતાવી છે. કારણ કે સેક્સુઅલ હેરેસ્મેન્ટનો મામલો હતો.

વકિલે શું કહ્યું ? -સરવઇનું કહેવું છે કે, જો મારી વાત પર વિશ્વાસ નથી કરવામાં આવતો તો આ અમારી શક્તિનું અપમાન છે. મારા ક્લાયન્ટ તેમનાં નિવેદન પર કાયમ છે આ ગંભીર આરોપ છે.

જસ્ટિસ એસજે કથાવાલાએ 21 નવેમ્બર સુધી વિકાસ બહલ, અનુરાગ કશ્યપ અને વિક્રમાદિત્ય મોટવાનીને તેમની એફિડેવિટ દાખલ કરવા કહ્યું હતું. જણાવી દઇએ કે આ મામલો 2015નો છે.

કંગનાનો વિકાસ પર આરોપ- મામલો સામે આવ્યા બાદ વિકાસ બહલની ફિલ્મ 'ક્વિન'માં કામ કરી ચુકેલી એક્ટ્રેસ કંગનાએ પણ તેનાં અનુભવ શેર કર્યા હતાં. તેમજ ક્વિનની અન્ય એક એક્ટ્રેસ નયની દીક્ષિતે પણ વિકાસ પર દુર્વ્યવહારનો આરોપ લગાવ્યો હતો. બાદમાં વિકાસ બહલ આ મામલો કોર્ટમાં લઇ ગયો હતો.