કેટરીના માટે પહેલી કરવા ચોથ વિક્કીએ આ રીતે બનાવી એકદમ ખાસ, એક્ટ્રેસે શેર કર્યો એક્સપીરિયંસ

katrina kaif : બોલીવુડમાં હાલ ફેસ્ટિવલનો મૂડ જોવા મળી રહ્યો છે. બી-ટાઉનની હસીનાઓએ પરંપરાગત અંદાજમાં કરવા ચોથ સેલિબ્રેટ કરી. કેટલીક એક્ટ્રેસ એવી પણ હતી, જેની આ પહેલી કરવા ચોથ હતી. તેમાંથી એક છે કેટરીના કૈફ. કેટરિનાએ રીતિ-રિવાજ સાથે પહેલી કરવા ચોથ સેલિબ્રેટ કરી. ખાસ વાત એ રહી કે કેટરિના સાથે પતિ વિક્કી કૌશલે પણ વ્રત રાખ્યું હતું. હાલમાં જ કેટરીનાએ કરવા ચોથનો પહેલો અનુભવ અને વિક્કીના વ્રત સાથે જોડાયેલી વાતો શેર કરી.

કેટરીના કૈફે પહેલી કરવા ચોથના કેટલાંક ફોટોઝ સોશિયલ મીડિયા એકાઉન્ટ પર શેર કર્યા હતા. લાલ જોડામાં જ્યારે તે પતિ વિક્કી અને પરિવાર સાથે જોવા મળી, તો બધાની નજર તેમના ફોટોઝ પર ટકી ગઇ. એક રિપોર્ટ મુજબ વિક્કી કૌશલે પણ કેટરીના સાથે વ્રત રાખ્યું હતું.

9થી 9.30 સુધીમાં હાલત થઇ ગઇ ખરાબ : કેટરિના માટે પહેલી કરવા ચોથનો અનુભવ ખૂબ જ ખાસ રહ્યો. કેટરીનાએ જણાવ્યું, મને ભારતીય પરંપરાઓ ખૂબ જ આકર્ષિત કરે છે. જ્યારે મને આ વ્રત વિશે જણાવવામાં આવ્યું, તો હું ખૂબ જ એક્સાઇટેડ હતી.

હું જાણતી ન હતી કે હું ભૂખી રહી શકીશ કે નહી. મુંબઇમાં 9 વાગીને 1 મિનિટ પર ચંદ્ર દેખાશે તેવું કહેવામાં આવ્યું હતું. તેથી હું 9 વાગ્યા સુધી તો મેન્ટલી પ્રીપેર હતી. પરંતુ ચંદ્ર 9 વાગીને 35 મિનિટે ઉગ્યો. 9થી 9.30ની વચ્ચે મારા માટે ભૂખ્યું રહેવુ મુશ્કેલ થઇ ગયું હતું. મને ખરેખર ખૂબ જ ભૂખ લાગી હતી.

વિક્કીએ પણ કેટરીના માટે વ્રત રાખ્યું : કેટરીના માટે વ્રત રાખવું સરળ ન હતું. પરંતુ તેના માટે સૌથી ખાસ એ રહ્યું કે વિક્કીએ પણ તેના માટે વ્રત રાખ્યું હતું.

આ વિશે કેટરીનાએ જણાવ્યું કે મારા માટે સૌથી ખાસ વાત એ હતી કે વિક્કીએ પણ વ્રત રાખ્યું હતું. મે વિક્કીને કહ્યું હતું કે હું એકલી વ્રત રાખીશ પરંતુ વિક્કી ન માન્યો અને તેણે પણ સાથે વ્રત રાખ્યુ. આ મારા માટે ખૂબ જ ખાસ હતું. આ તહેવારનો અનુભવ મારા માટે સારો રહ્યો.

વર્ક ફ્રન્ટની વાત કરીએ તો કેટરીના જલ્દી જ ફિલ્મ 'ફોન ભૂત'માં જોવા મળશે. આ ઉપરાંત સલમાન ખાન સાથે 'ટાઇગર 3' અને વિજય સેતુપતિ સાથે 'મેરી ક્રિસમસ'માં જોવા મળશે. કેટરીનાના હાથમાં બીજા મોટા પ્રોજેક્ટ્સ પણ છે.

કેટરીના ફિલ્મ 'જી લે ઝરા'માં પણ જોવા મળશે. આ ફિલ્મમાં તેની સાથે પ્રિયંકા ચોપરા અને આલિયા ભટ્ટ પણ નજરે પડશે. બીજી તરફ વિક્કી કૌશલ 'સેમ બહાદુર' અને 'ગોવિંદા મેરા નામ' બે પ્રોજેક્ટ્સ પર કામ કરી રહ્યો છે.