Birthday: તબલાના જાદૂગર જાકીર હુસૈને 11 વર્ષની ઉંમરે USમાં કર્યો હતો પ્રથમ શો

આજે તબલાના જાદૂગર જાકીર હુસૈનનો જન્મદિવસ છે. તેમનો જન્મ 9 માર્ચ 1952ના રોજ મુંબઈ ખાતે થયો હતો. તેમના પિતા અલ્લા રખ્ખા ખાન પણ મશહૂર તબલા વાદક હતા. અહીં જાણો જાકીર ખાન વિશે ખાસ વાતો.

તેમણે મુંબઈની સેન્ટ ઝેવિયર્સ કોલેજ ખાતેથી ભણતર પૂર્ણ કર્યું હતું. તેમણે પોતાનો પ્રથમ શો 11 વર્ષની ઉંમરે અમેરિકામાં કર્યો હતો. જે બાદ 1973માં તેમનો પ્રથમ આલ્બમ પણ લોન્ચ થઇ ચુક્યો હતો. તેમના પ્રથમ આલ્બમનું નામ લિવિંગ ઈન ધ મટેરીયલ વર્લ્ડ હતું. તેઓ પોતાના પિતાના નામથી અલગ વાહવાહી મેળવી રહ્યા હતા.

એટલું જ નહીં તેમને બે વખત સંગીતની દુનિયાનો સૌથી મોટો ગ્રેમી એવોર્ડ મળી ચુક્યો છે. જોકે,આટલી સફળતા મળવા છતાં તેઓ પોતાને શ્રેષ્ઠ તબલાવાદક નથી માનતા.તેઓ ગધની વખત કહેતા આવ્યા છે કે તેમના સાથી તેમના જેટલું કે તેમનાથી વધુ સારા તબલા વાદક છે.

તેમણે કહ્યું હતું કે, તેઓ 12 વર્ષની ઉંમરે તેમના પિતા સાથે એક કોન્સર્ટમાં ગયા હતા. જ્યાં સંગીતની દુનિયાના ઘણા દિગ્ગજો હાજર હતા. જેમાં પંડિત રવિશંકર, ઉસ્તાદ અલી, બિસ્મિલ્લાહ ખાન, અકબર ખાન, પંડિત શાંત પ્રસાદ અને પણ પંડિત કિશન મહારાજ પણ શામેલ હતા. તેઓ અલ્લાહ રખ્ખા ખાનના પુત્ર હોવાના કારણે જાકીરને સંયોજકે સ્ટેજ પર બોલાવ્યા હતા. મંચ પર પ્રદર્શન પૂર્ણ થયા બાદ તેમને 5 રૂપિયા મળ્યા હતા. જે તેમના માટે સૌથી ખાસ ગિફ્ટ હતી.

ઉલ્લેખનીય છે કે, તેમને 1992માં ધ પ્લેનેટ ડ્રમ અને 2009માં ગોલબલ ડ્રમ પ્રોજેક્ટ માટે તેમને 2 ગ્રેમી એવોર્ડ મળ્યા હતા. જાકીર હુસૈનને પદ્મ શ્રી, પદ્મ ભૂષણ અને સંગીત નાટક એકેડમી તરફથી પણ સન્માન મળી ચૂક્યું છે. તેઓ ઘણી વખત કહી ચુક્યા છે કે, હિન્દુસ્તાની સંગીત સ્ટેડિયમ્સ માટે નહીં પરંતુ તે રૂમનું સંગીત છે.