વિચિત્ર કપડાં પહેરીને પણ કરોડો કમાય છે ઉર્ફી જાવેદ, આલિશાન ઘર-કારની છે માલિક; જાણો કેટલી છે પ્રોપર્ટી

Urfi Javed Property : બિગ બૉસ ઓટીટીથી ચર્ચામાં આવેલી ઉર્ફી જાવેદ સિનેમા જગતમાં પોતાની અતરંગી ફેશન સેન્સ માટે જાણીતી છે. ઉર્ફી મોટાભાગે પોતાના વિચિત્ર આઉટફિટ્સ અને બોલ્ડનેસના કારણે લોકોના મજગ ચકરાવે ચડાવી દે છે અને આ જ કારણે તે અવારનવાર સોશિયલ મીડિયા પર ટ્રોલ પણ થાય છે.

પરંતુ એ પણ હકીકત છે કે એક્ટ્રેસને લોકોએ લગાવેલી ફટકારની કોઇ અસર નથી થતી અને તે પોતાની લાઇફ બિન્દાસ જીવી રહી છે. આ વચ્ચે ઘણીવાર ઉર્ફીની કમાણીને લઇને પણ સવાલ ઉઠે છે. ચાલો તમને તેની નેટવર્થ અને કાર કલેક્શન વિશે જણાવીએ.

ઉર્ફીએ આ રીતે શરૂ કરી પોતાની જર્ની : ઉર્ફી જાવેદને આજના સમયમાં સૌકોઇ તેની બોલ્ડનેસના કારણે ઓળખે છે. પરંતુ એક્ટ્રેસે ઢગલાબંધ ટીવી સીરિયલ્સમાં પણ કામ કર્યુ છે. તે 'દુર્ગા', 'સાત ફેરો કી હેરાફેરી', 'બેપનાહ', 'જીજી માં', 'ડાયન', 'યે રિશ્તા ક્યા કહેલાતા હૈ' અને 'કસોટી ઝિંદગી કી' જેવી સીરિયલ્સમાં પણ જોવા મળી ચુકી છે.

આ ઉપરાંત, તે ઘણા મ્યૂઝિક વીડિયોમાં પણ જોવા મળી છે. પરંતુ લોકો વચ્ચે તેને ઓળખ 'બિગ બૉસ'થી જ મળી છે.

આટલા કરોડની સંપત્તિની માલિક છે ઉર્ફી : ઉર્ફી જાવેદની કમાણીને લઇને દરેક વખતે સવાલ ઉઠે છે પરંતુ તમને જાણીને નવાઇ લાગશે કે ઉર્ફી કરોડોની સંપત્તિની માલિક છે અને તે દર મહિને લાખોમાં કમાણી કરે છે.

એક રિપોર્ટ અનુસાર, ઉર્ફી સીરિયલના એક એપિસોડ માટે 25થી 30 હજાર રૂપિયા ચાર્જ કરે છે અને તે દર મહિને આશરે 30 લાખ રૂપિયાની કમાણી કરે છે. તેની કુલ નેટવર્થ 172 કરોડ રૂપિયાની આસપાસ છે.

ઘર અને કાર કલેક્શન : ઉર્ફીનો જન્મ લખનઉમાં થયો છે પરંતુ હવે તે મુંબઇમાં એક આલિશાન ફ્લેટમાં રહે છે.

તેની પાસે Jeep Compass SUV છે. જેની કિંમત આશરે 25 લાખ રૂપિયા છે. તે ઘણીવાર તેની આ કાર સાથે સ્પૉટ થઇ છે.