Pushpa અને KGF 2ની જેમ ધમાલ મચાવવા તૈયાર છે સાઉથની આ 6 ફિલ્મો, ટૂંક સમયમાં OTT- થિયેટર્સમાં થશે રિલીઝ

મહામારી પછી દેશભરમાં લોકો બોલિવૂડ (Bollywood) કરતાં સાઉથ ઈન્ડિયાની ફિલ્મો (South Indian Films)ને વધુ પસંદ કરી રહ્યા છે. હવે મોટાભાગના મૂવી લવર્સ હિન્દીને બદલે સાઉથની ફિલ્મ જોવાની આતુરતાથી રાહ જુએ છે. લોકડાઉન ખુલ્યા પછી પહેલા અલ્લુ અર્જુન-રશ્મિકા મંદાન્નાની પુષ્પાએ બોક્સ ઓફિસ પર ધૂમ મચાવી હતી. ત્યારબાદ રાજામૌલીની RRR અને પ્રશાંત નીલ દિગ્દર્શિત KGF: ચેપ્ટર 2એ શાનદાર બિઝનેસ કર્યો છે. આ તમામ ફિલ્મોએ માત્ર દેશમાં જ નહીં, પરંતુ વિદેશી બોક્સ ઓફિસ પર પણ ધૂમ મચાવી છે. બેક-ટુ-બેક બ્લોકબસ્ટર હિટ્સે હિન્દી બેલ્ટમાં એટલો સારો દેખાવ કર્યો છે, જેની નિર્માતાઓને અપેક્ષા પણ નહોતી. હવે અમે દક્ષિણની કેટલીક વધુ અપકમિંગ ફિલ્મો વિશે માહિતી આપી રહ્યા છીએ જે આવતા મહિને એટલે કે મે મહિનામાં રિલીઝ થવા જઈ રહી છે.

CBI 5: The Brain - સીબીઆઈ 5: કે મધુ દ્વારા નિર્દેશિત ધ બ્રેઈન સીબીઆઈ ફ્રેન્ચાઈઝીની પાંચમી ફિલ્મ છે. આ ફ્રેન્ચાઈઝી વર્ષ 1988માં શરૂ થઈ હતી. 15 વર્ષ પછી સીબીઆઈ અને મમૂટી સેતુરામ અય્યર તરીકે પાછા આવી રહ્યા છે અને મોલીવુડ તેને જોવા માટે ખૂબ જ ઉત્સાહિત છે. આ ફિલ્મ 1 મે, 2022ના રોજ વર્લ્ડ વાઈડ સિનેમાઘરોમાં રિલીઝ થશે.

Saani Kaayidham: - સાની કાયીધામ એ કીર્તિ સુરેશ અને દિગ્દર્શક સેલવરાઘવન અભિનીત આગામી તેલુગુ અને તમિલ ફિલ્મ છે. આ ફિલ્મમાં સેલ્વારાઘવન (Selvaraghavan) અભિનેતા તરીકે ડેબ્યૂ કરી રહ્યો છે. જ્યારે કીર્તિ ફિલ્મમાં પોન્નીની ભૂમિકા ભજવતી નજરે પડશે, ત્યારે સેલવારાઘવનને સંગૈયા, ભાઈ અને બહેન તરીકે દર્શાવવામાં આવશે અને તે એક પરફેક્ટ રિવેન્જ એક્શન થ્રિલર છે. આ ફિલ્મ 6 મેના રોજ OTT પ્લેટફોર્મ એમેઝોન પ્રાઇમ વિડિયો પર પ્રીમિયર થશે.

Bhala Thandanana: - અભિનેતા શ્રી વિષ્ણુ (Sree Vishnu)ની આગામી તેલુગુ ફિલ્મ ભલા થંડાના 6 મેના રોજ રીલિઝ થઈ રહી છે. આ ફિલ્મનું નિર્દેશન બનમ ફેમ ચૈતન્ય દંતુલુરીએ કર્યું છે.

Sarkaru Vaari Paata: - અઢી વર્ષ પછી મહેશ બાબુ પરશુરામ દિગ્દર્શિત સરકાર વારી પાટા સાથે મોટા પડદા પર પાછા ફરશે. કોમર્શિયલ એન્ટરટેઈનર 12 મેના રોજ સિનેમાઘરોમાં રિલીઝ કરવામાં આવનાર છે અને તેમાં કીર્તિ સુરેશ મુખ્ય ભૂમિકામાં છે. આ ફિલ્મ દેશમાં બેંકિંગ કૌભાંડોની થીમ પર આધારિત છે.

F3: Fun and Frustration: - F3 એ ફન એન્ડ ફ્રસ્ટ્રેશનની સિક્વલ છે અને તેમાં વેંકટેશ દગ્ગુબાતી, વરુણ તેજા, ​​તમન્ના ભાટિયા અને મેહરીન પીરઝાદા મુખ્ય ભૂમિકામાં છે. અનિલ રવિપુડી દ્વારા નિર્દેશિત F3 એક પારિવારિક મનોરંજન ફિલ્મ છે અને તે 27 મેના રોજ થિયેટરોમાં આવશે. F2 વૈવાહિક સમસ્યાઓ અને તેને કેવી રીતે હેન્ડલ કરવી તેના પર આધારિત છે, જ્યારે F3 નાણાંકીય સમસ્યા (monetary problems) ઓ પર આધારિત છે. જેમાં આ સમસ્યાઓના ઉકેલ વિશે માહિતી આપવામાં આવશે.

Don: - નેલ્સન દિલીપકુમારની ડોક્ટર પછી શિવકાર્તિકેયન આગામી ફિલ્મ ડોન સાથે કમબેક કરી રહ્યો છે. ડોન સીબી ચક્રવર્તી દ્વારા નિર્દેશિત કેમ્પસ આધારિત ફિલ્મ છે, જેનું પ્રોડક્શન લાઈકા પ્રોડક્શન્સ દ્વારા કરવામાં આવ્યું છે. આ ફિલ્મ 13 મેના રોજ સિનેમાઘરોમાં રિલીઝ થશે.