Union Budget 2022 : સરકારનું ડિજિટલ સેવાઓ પર ખાસ ફોકસ, આ ક્ષેત્રો માટે થઈ જાહેરાતો

ઈ-પાસપોર્ટ - સામાન્ય નાગરિકોની સુવિધાને ધ્યાનમાં રાખીને હવે ઈ-પાસપોર્ટ વર્ષ 2022-23 થી આવશે. ભવિષ્યને જોતા તેમની પાસે આધુનિક ચિપ હશે. આ સાથે જ તે નકલી પાસપોર્ટને રોકવામાં પણ મદદ કરશે.

બેંકિંગ પોસ્ટ ઓફિસ વ્યવસાયમાં ડિજિટલ સેવાઓ - આ બજેટમાં, ડિજિટલ બેંકિંગ પર ભાર મૂકવામાં આવ્યો છે. આવનારા સમયમાં દેશમાં 75 ડિજિટલ બેંક એકમોની સ્થાપના કરવામાં આવશે. 1.5 લાખ પોસ્ટ ઓફિસને કોર બેન્કિંગ સાથે જોડવામાં આવશે.

ડિજિટલ કરન્સી - વર્ષ 2022-23માં, ભારતીય રિઝર્વ બેંક ડિજિટલ રૂપિયો જારી કરશે. આ ચલણ બ્લોકચેન પર હશે.

ડિજિટલ શિક્ષણ - સરકારે ડિજિટલ શિક્ષણને પ્રોત્સાહન આપવા માટે ડિજિટલ યુનિવર્સિટી બનાવવાની પણ જાહેરાત કરી છે. સીતારમણે કહ્યું કે, પીએમ ઇ વિદ્યાના 'વન ક્લાસ, વન ટીવી ચેનલ' કાર્યક્રમને 12 થી વધારીને 200 ટીવી ચેનલો કરવામાં આવશે. આનાથી તમામ રાજ્યો ધોરણ 1 થી 12 સુધી પ્રાદેશિક ભાષાઓમાં પૂરક શિક્ષણ પ્રદાન કરી શકશે.

ખેડૂતોને ડિજિટલ સેવા- સરકારે ખેડૂતોને રાહત આપતાં ખેડૂતોને ડિજિટલ સેવા આપવાની વાત કરી છે. નાણામંત્રીએ કહ્યું કે, કૃષિમાં ડિજીટલાઇઝેશનને પ્રોત્સાહન આપવા માટે પીપીપી મોડલ અપનાવવામાં આવશે.

પેપરલેસ ઈ-બિલ - કેન્દ્ર સરકાર એન્ડ ટુ એન્ડ બિલિંગ પેમેન્ટ સિસ્ટમ બનાવશે. તેનાથી પેપરલેસ ઈ-બિલની સુવિધા મળશે.