હાલ નવરાત્રી (Navratri 2020)નો તહેવાર દેશભરમાં જોરશોરથી ઉજવવામાં આવી રહ્યો છે. આજે સપ્તમી છે અને તે મા નવ દુર્ગાના સાતમા સ્વરૂપ એટલે કે મહાકાલીની પૂજા અર્ચના સાથે ઉજવવામાં આવે છે. તેવામાં ટીવીની જાણીતી અભિનેત્રીએ નવરાત્રીના આ અવસર પર મા કાલીનું સ્વરૂપ ધારણ કર્યું છે.
માન્યતા મુજબ, માનું આ સ્વરૂપ તેમનું ખૂબ જ રૌદ્ર સ્વરૂપ માનવામાં આવે છે. અને તેના આ રૂપને જ ટીવીની જાણતી અભિનેત્રી ભજવી રહી છે. આમ તો આ અભિનેત્રી અનેક સીરીયલ્સ અને ફિલ્મોમાં આવી ચૂકી છે. અને તે અનેકની પ્રિય બહુરાની પણ છે. પણ તેણે હાલ મા કાલીનું આ રોદ્ર સ્વરૂપ લીધું છે. જેમાં તેને ઓળખવી પણ મુશ્કેલ છે.
પોતાના આ ગેટઅપ પછી આ અભિનેત્રીએ ફોટોશૂટ પણ કરાવ્યું છે. હજી પણ જો તમે આ અભિનેત્રીને ના ઓળખી શક્યા હોવ તો તમને જણાવી દઇએ કે આ છે ઋષિના કંધારી. જે હાલ તેના આ લૂકના કારણે ચર્ચામાં છે.
પોતાના આ લૂક વિષે ઋષિના કંધારીએ અમારી સાથે વાત કરી હતી. આ પહેલા ઋષિના ઇશારો ઇશારો, તૂ સૂરજ મેં સાંજ પિયાઝી, દેવો કે દેવ મહાદેવ જેવા સીરિયલ્સમાં કામ કરી ચૂકી છે.
હવે ઓળખી કોણ છે ઋષિના. જો કે ઋષિનાએ એક વિલન, સાહેબ બીબી ઓર ગેંગસ્ટર અને લુપ્ત જેવી ફિલ્મોમાં પણ પોતાની એક્ટિંગનો જલવો બતાવી ચૂકી છે.
ઋષિનાએ આ નવરાત્રીને થોડી અલગ રીતે મનાવવા માટે આ રીત અપનાવી છે. મેરે હમસફરમાં નજર આવી આ એક્ટ્રેસ પોતાના મેકઅપ રૂપને મંદિરમાં બદલી દીધું હતું.
