ટીવી એક્ટ્રેસ સારા ખાન.. યાદ છે ને.. જે સપના બાબુલ કા: બિદાઇ શોમાં સાધનાનો રોલ અદા કરતી હતી. આ શોમાં તો તે ખુબજ સાધારણ યુવતીનો રોલ કરતી હતી પણ રિઅલ લાઇફમાં સારા કોન્ટ્રોવર્સી ક્વિન છે. તે તેનાં બીજા શો બિગ બોસથી જાહેર થઇ ગયું.. શોમાં તેનાં લગ્નને લઇને ખુબજ ચર્ચાઓ રહી.. કોઇ આ શોમાં લગ્ન કેવી રીતે કરી શકે...
વેલ તમને થતુ હશે કે આજે કેમ સારાની વાત થઇ રહી છે તો તમને જણાવી દઇએ કે આજે સારાનો જન્મ દિવસ છે. તેને 'કોન્ટ્રોવર્સી ક્વિન' એટલે પણ કહેવામાં આવે છે કારણ કે, તેનો ન્યૂડ બાથટબ વીડિયો હોય કે, બિગ બોસનાં ઘરમાં લગ્ન હોય.. કે પછી પાકિસ્તાનમાં તેની ધરપકડની ખબર હોય આ બધુ જ ભારે ચર્ચામાં રહ્યું છે.
સારાની બહેન આયરાએ ભૂલથી સારાનો ન્યૂડ બાથટબ વીડિયો તેનાં ઇન્સ્ટાગ્રામ પર શેર કરી દીધો હતો. આ વાત કંઇ બહુ જુની નથી. સારા તેની બહેન આયરાની સાથે શ્રીલંકા ગઇ હતી. ત્યારે બંનેએ દારુ પીધો હતો અને નશામાં તેણે સારાનો બાથટબ વીડિયો બનાવીને ઇન્સ્ટાગ્રામ પર અપલોડ કરી દીધો હતો.
આવું કર્યા બાદ જ્યારે તેને તેની ભૂલનો અહેસાસ થયો ત્યારે તેણે આ વીડિયો તુરંત જ ડિલીટ કરી દીધો હતો. આ વીડિયો વાયરલ થઇ ગયો છે. ઇન્ટરનેટ પરથી વીડિયો તો ડિલીટ થઇ ગયો પણ તેનાં સ્ક્રિન શોટ હજુ પણ શેર થાય છે.
કેટલાંક લોકો એમ કહીને સારાને ટ્રોલ કરી હતી કે તે પબ્લિસિટી સ્ટંટ માટે આ બધુ જ કરી રહી છે. જોકે ત્યારે સારાએ જણાવ્યું હતું કે, આ પબ્લિસિટી સ્ટંટ નથી પણ ભૂલથી થયુ છે.
આ પહેલાં સારા તેની બિકીની ફોટો ઇન્સટાગ્રામ પર શેર કરીને ટ્રોલર્સનો શીકાર થઇ હતી. ત્યારે લોકોએ તેને મુસલમાન થઇને આવા કપડાં પહેરે છે તેમ કહ્યું હતું.
સારાની પાકિસ્તાનમાં ધરપકડ થઇ હોવાની ખબર વર્ષ 2017માં આવી હતી. તે સમયે સારા એક પાકિસ્તાની ટીવી શો 'લેકિન'નું શૂટિંગ કરવા પાકિસ્તાન ગઇ હતી. ત્યાં તેનાં ઉપર પરવાનગી વગર ટૂરનાં દિવસો વધારવાનો આરોપ હતો જે માટે તેને પોલીસ કસ્ટડીમાં રાખવામાં આવી હતી. પણ સારાએ આ તમામ ખબર ખોટી હોવાનું ગણાવ્યું હતું. તેણે કહ્યું કે, પાકિસ્તાન મિનિસ્ટ્રીથી NOC લેવા માટે ત્યાં રોકાઇ હતી. અને તેની પોલીસે અટકાયત કરી ન હતી.
