Year Ender 2021: આ વર્ષની ટોપ-10 વેબ સિરીઝ, જુઓ - કઈ સિરીઝ સૌથી અવ્વલ રહી?

Top Web Series Of 2021: IMDb એ વર્ષ 2021 ની ટોપ 10 વેબ સીરિઝને રેન્ક આપ્યા છે, જેમાં સૌથી પહેલો રેન્ક TVF Aspirantsને મળ્યો છે. આ વર્ષે હર્ષદ મહેતા સ્કેમ, મિર્ઝાપુર સીઝન 2, ગુલ્લક સીઝન 2, ક્રિમિનલ જસ્ટીસ જેવી અનેક વેબ સીરિઝ ચર્ચામાં આવી છે. IMDb એ સૌથી વધુ પસંદ કરવામાં આવેલ અને સૌથી વધુ જોવાનાર વેબ સીરિઝના આંકડાના આધાર પર TVF Aspirants, ઢિંઢોરા અને ધ ફેમિલિ મેન સહિત 10 વેબ સીરિઝનું લિસ્ટ જાહેર કર્યું છે.

IMDbના રેન્કિંગમાં ‘TVF Aspirants’ પહેલા નંબર પર છે. IASની તૈયારી કરી રહેલ 3 મિત્રોની કહાની યુવાઓને ખૂબ જ પસંદ આવી છે. આ સીરિઝમાં વિદ્યાર્થીઓની મહેનત દર્શાવવામાં આવી છે. આ સીરિઝના ગીત પણ યુવાઓને ખૂબ જ પસંદ આવ્યા છે.

IMDbના રેન્કિંગમાં ભુવન બામની ‘ઢિંઢોરા’ બીજા નંબર પર રહી છે. એક સામાન્ય પરિવારના દૈનિક જીવન અને તેમના સપનાઓને આ સીરિઝમાં બતાવવામાં આવ્યા છે. ત્યારે ભુવને IMDbનું લિસ્ટ ઈન્સ્ટાગ્રામ પર શેર કરીને દર્શકોનો આભાર માન્યો છે.

IMDbના રેન્કિંગમાં ‘ધ ફેમિલી મેન’ ત્રીજા નંબર પર રહી છે. ધ ફેમિલી મેનની પહેલી સીઝનને ખૂબ જ સફળતા મળી હતી, બીજી સીઝન પણ દર્શકોને ખૂબ જ પસંદ આવી છે.

તો ‘ધ લાસ્ટ અવર’ (The Last Hour) IMDbના રેન્કિંગમાં ચોથા નંબર પર રહી છે. સંજય કપૂરની આ સીરિઝ દર્શકોને ખૂબ જ પસંદ આવી છે.

IMDbના રેન્કિંગમાં ‘સનફ્લાવર’ પાંચમાં નંબર પર રહી છે. આ સીરિઝમાં સુનીલ ગ્રોવરે ખૂબ જ શાનદાર એક્ટીંગ કરી છે અને દર્શકોને તેમની એક્ટીંગ ખૂબ જ પસંદ આવી છે. સુનીલને ફિલ્મફેયરનો બેસ્ટ ક્રિટિક્સ એવોર્ડ પણ મળ્યો છે.

રોનિત રોય અને ઋચા ચઢ્ઢાની ‘કેન્ડી’ IMDbના રેન્કિંગમાં છઠ્ઠા નંબર પર છે. આ થ્રિલર સીરિઝમાં બોર્ડિંગ શાળામાં બાળકોના રહસ્યમય મોત બાદ ડ્રગ્સ રેકેટનો ભાંડો ફૂટે છે.

IMDbના રેન્કિંગમાં ‘રે’ સાતમાં નંબર પર રહી છે. પ્રેમ, વાસના, વિશ્વાસઘાત અને સત્ય પર આધારિત સત્યજીત રેની ચાર કહાનીઓ દર્શાવવામાં આવી છે. આ વેબ સીરિઝમાં મનોજ બાજપેયી, કે મેનન, અલી ફઝલ, રાધિકા મદાન, શ્વેતા બસુ જેવા કલાકારોએ શાનદાર એક્ટીંગ કરી છે.

IMDbના રેન્કિંગમાં ડિઝ્ની હોટસ્ટારની ‘ગ્રહણ’ આઠમાં નંબર પર રહી છે. સત્ય વ્યાસની ફેમસ નોવેલ ચોરાસીથી પ્રેરિત વેબ સીરિઝમાં વર્ષ 1984માં શીખ દંગાઓ વચ્ચે એક અદભુત પ્રેમ કહાની રજૂ કરવામાં આવી છે.

IMDbના રેન્કિંગમાં થ્રિલર સીરિઝ ‘નવેમ્બર સ્ટોરી’ નવમા નંબર પર રહી છે. આ વેબ સીરિઝમાં તમન્ના ભાટિયાએ શાનદાર એક્ટીંગ કરી છે અને દર્શકોને આ વેબ સીરિઝ ખૂબ જ પસંદ આવી છે.

IMDbના રેન્કિંગમાં કોંકણા સેન શર્મા અને મોહિત રૈનાની ‘મુંબઈ ડાયરીઝ’ દસમા નંબર પર રહી છે. 26/11ની ઘટના પર આધારિત આ વેબ સીરિઝને દર્શકોનો સારો પ્રતિસાદ મળ્યો છે.