Bigg Boss 16 : ટીના દત્તા છે પરફેક્ટ 'BB'મટિરિયલ, એક નહીં આ 5 છે કારણો

'બિગ બોસ 16' દિવસેને દિવસે રસપ્રદ બની રહ્યું છે, અને અર્ચના ગૌતમના તાજેતરમાં જ શૉમાંથી બહાર થયા બાદ ઇન્ટરનેટને અભિપ્રાયો અને ચર્ચાઓનું ઘોડાપૂર આવ્યું છે. ટૂંકમાં, આ વીક ઝઘડા અને બબાલોથી ભરેલું હતું. જો કે તેના માટે પ્રેક્ષકોનો મિશ્ર અભિપ્રાય હતો.

આ વચ્ચે મોટી સંખ્યામાં દર્શકો ટીના દત્તાની બોલ્ડ પર્સનાલિટી અને સ્પષ્ટવક્તા હોવાના કારણે તેના વખાણ કરી રહ્યાં હતા. તેના ગેમપ્લે, જોરદાર દલીલો અને ઘરની ઘણી બધી વસ્તુઓને જોતા, અહીં 5 કારણો છે કે શા માટે ટીના દત્તા 'બિગ બોસ 16' માટે એકદમ ફિટ છે. ચાલો એક નજર કરીએ:

મજબૂત અને બોલ્ડ ઓપિનિયન : ટીના દત્તા એવી વ્યક્તિ છે જે હંમેશા આગળ આવીને બોલે છે અને હિંમતભેર તેના મુદ્દાઓ પર અડગ રહે છે. ઘરનું કામ હોય કે કંઇ અયોગ્ય થતું હોય તેની સામે બોલવું હોય, ટીના હંમેશા તેના પર અવાજ ઉઠાવે છે.

અબ્દુની કેપ્ટનશિપ માટેના તેણીના તાજેતરના સ્ટેન્ડની ઘરની બહાર પણ એટલી જ પ્રશંસા કરવામાં આવી હતી.

સ્ટાઈલ અને ફેશન પણ ગજબ : ટીના દત્તા સ્ક્રીન પર હટકે દેખાવાની તક છોડતી નથી. તેના આઉટફિટ, હેર સ્ટાઇલ, ન્યૂડ મેકઅપ હંમેશા ઘરની અંદર અને ઘરની બહાર પસંદ કરવામાં આવે છે. તે આ સીઝનની બેસ્ટ ડ્રેસ્ડ કન્ટેસ્ટન્ટ્સમાંની એક પણ છે.

મનોરંજક પણ ભરપૂર : ટીના દત્તા અને તેની વન લાઇનર્સ દિવસે ને દિવસે લોકપ્રિય થતા જાય છે. તેના કટાક્ષ પણ તમને તેના ફેન બનાવી દેશે.

સ્પર્ધાત્મક ભાવના : ટીના દત્તા બિગ બોસની ગેમનું સન્માન કરે છે અને તેણે હંમેશા ઘરમાં તેની સ્પર્ધાત્મક ભાવના દર્શાવી છે. તાજેતરમાં, તેણે માઇનિંગ ટાસ્કમાં અબ્દુ માટે જે રીતે પરફોર્મ કર્યું, તેના દર્શકોએ ખૂબ વખાણ કર્યા.

માસ્ટરમાઇન્ડ ટીના : ટીના દત્તાને ઘરમાં માસ્ટર માઇન્ડ કહી શકાય. તેણી જે રીતે અન્ય કન્ટેસ્ટન્ટ્સની ગેમ સમજે છે તે ધમાકેદાર પરફોર્મ છે. તાજેતરના એપિસોડ્સમાં તેણીએ શાલીન વિશે વાત કરી હતી, અને ભૂતકાળમાં, તેણીએ ગૌતમ, સુમ્બુલ, વગેરે સહિત ઘણા કન્ટેસ્ટન્ટ્સના ગેમ પ્લાનની પોલ ખોલી હતી.