લગ્ન બાદ પણ સ્ક્રીન પર ઇન્ટીમેટ સીન આપતાં ન શરમાઇ આ એક્ટ્રેસીસ, આ હસીનાએ તો પાર કરી તમામ હદો

ફિલ્મ ઈન્ડસ્ટ્રીમાં ઘણી એવી એક્ટ્રેસીસ છે જે લગ્ન પછી પણ ફિલ્મોમાં રોમેન્ટિક સીન કરવાથી ખચકાતી નથી. પરંતુ કેટલીક એક્ટ્રેસીસ એવી છે જે લગ્ન બાદ સિલ્વર સ્ક્રીન પર રોમાન્સ કરવાનું ટાળતી જોવા મળે છે. કેટલીક એક્ટ્રેસીસના પરિવારમાં રોમેન્ટિક સીનને લઈને વિવાદ પણ થયો છે.

પહેલાના જમાનામાં ટોપ એક્ટ્રેસીસ પણ લગ્ન કર્યા પછી કે બાળકોના જન્મ પછી અભિનયની દુનિયાને અલવિદા કહી દેતી હતી. પરંતુ આજના બદલાતા સમયમાં એક્ટ્રેસીસ લગ્ન કર્યા પછી પણ પોતાના કરિયર પર ધ્યાન આપે છે. લગ્ન બાદ તો શું એક્ટ્રેસીસ પ્રેગ્નેન્સીમાં પણ કામ કરવાનું છોડતી નથી. કરીના કપૂર અને આલિયા ભટ્ટ તેનું સૌથી મોટું ઉદાહરણ છે.

પ્રોફેશનલ લાઇફ હોય કે પર્સનલ લાઇફ આજે એક્ટ્રેસીસ બંનેને બેલેન્સ કરવાનું સારી રીતે જાણે છે. પહેલા જ્યાં એક્ટ્રેસીસ લગ્ન પછી સ્ક્રીન પર રોમાન્સ કરવાનું ટાળતી હતી, હવે લગ્ન કર્યા પછી કે બાળકો થયા પછી પણ એક્ટ્રેસીસ દરેક પ્રકારની ફિલ્મોમાં કામ કરે છે. જો કે, ક્યારેક તેના પરિવારના સભ્યો આવા સીન્સથી નારાજ થઈ જાય છે. પરંતુ હવે ઈન્ડસ્ટ્રીમાં એક્ટ્રેસીસ માટે કરિયર સૌથી પહેલા છે. આજે અમે તમને કેટલીક એવી એક્ટ્રેસીસ વિશે જણાવવા જઈ રહ્યા છીએ, જેમણે લગ્ન પછી પણ ફિલ્મોમાં રોમેન્ટિક સીન્સ આપ્યા છે.

ઐશ્વર્યા રાય બચ્ચન : બચ્ચન પરિવારની વહુ ઐશ્વર્યા રાય બચ્ચન ફિલ્મ 'એ દિલ હે મુશ્કિલ'માં રણબીર કપૂર સાથે રોમાન્સ કરતી જોવા મળી હતી. ફિલ્મમાં તેના રોમેન્ટિક સીન્સ ખૂબ વાયરલ થયા હતા. રિપોર્ટ્સ અનુસાર, આવા સીન આપ્યા બાદ એક્ટ્રેસના પરિવારમાં ઘણી ચર્ચા થઈ હતી. પરંતુ અમે આ અંગે કંઈપણ પુષ્ટિ કરતા નથી.

કાજોલ : બોલિવૂડની બબલી એક્ટ્રેસીસ ફિલ્મોમાં બહુ ઓછા કિસિંગ સીન કરતી જોવા મળે છે. પરંતુ લગ્ન પછી પણ કાજોલે ફિલ્મ 'ફના'માં આમિર ખાન સાથે ઘણા રોમેન્ટિક સીન્સ શૂટ કર્યા હતા. જોકે આ ફિલ્મમાં બંનેની રોમેન્ટિક કેમેસ્ટ્રી દર્શકોને ખૂબ જ પસંદ આવી હતી.

કરીના કપૂર ખાન : સૈફ અલી ખાન અને કરીના કપૂર ખાન વર્ષ 2012માં લગ્નના બંધનમાં બંધાયા હતા. પરંતુ લગ્ન બાદ પણ કરીનાએ ફિલ્મોમાં રોમેન્ટિક સીન કરવાનું ટાળ્યું ન હતું. તેણે કી એન્ડ કામાં અર્જુન કપૂર સાથે ઘણા રોમેન્ટિક સીન શૂટ કર્યા હતા. જણાવી દઈએ કે અર્જુન કરીના કરતા 5 વર્ષ નાનો છે. એટલું જ નહીં, પોતાની બીજી પ્રેગ્નેન્સી દરમિયાન કરીનાએ ફિલ્મ 'લાલ સિંહ ચઢ્ઢા' માટે કિસિંગ સીન પણ આપ્યા હતા.

દીપિકા પાદુકોણ : દીપિકા પાદુકોણ પણ પોતાની કરિયર પર પૂરુ ધ્યાન આપે છે. રણવીર સિંહ સાથે લગ્ન કર્યા બાદ પણ દીપિકાએ ફિલ્મ 'ગહેરાઇયાં'માં વિક્રાંત સિંહ સાથે ઘણા કિસિંગ સીન અને ઈન્ટીમેટ સીન આપ્યા હતા.

રાજશ્રી દેશપાંડે : વેબ સિરીઝ 'સેક્રેડ ગેમ્સ'માં જોવા મળેલી રાજશ્રી દેશપાંડે પણ લગ્ન બાદ પોતાના કામ પ્રત્યે ખૂબ જ ફોકસ છે. તેણે ફેમસ વેબ સિરીઝમાં ઘણા ઈન્ટીમેટ સીન આપ્યા છે. એક્ટ્રેસ કહે છે કે નોન-ફિલ્મી બેકગ્રાઉન્ડમાંથી હોવા છતાં પણ તેનો પતિ તેને પૂરો સાથ આપે છે.