upcoming biopics film: બોલિવૂડની આ 10 બાયોગ્રાફી મૂવીઝ જોવા લોકો છે ખૂબ આતુર, અહીં જાણો બધું જ

ભારતીય સિનેમા (Indian cinema) ખૂબ આગળ નીકળી ગયું છે. ભાગ મિલ્ખા ભાગ, મેરી કોમ અને દંગલ જેવી ફિલ્મો (biopic movies) મનોરંજક હોવાના સાથે લોકો માટે મોટિવેશન પણ બની છે. ભાગ મિલ્ખા ભાગ' (2013), મેરી કોમ' (2014), નીરજા' (2016), દંગલ (2016), એમએસ ધોની (2016), સંજુ (2018) જેવી ફિલ્મોએ બાયોપિક્સ (biopics) વ્યાખ્યા બદલાવી છે. જેથી લોકોને જોરદાર ફિલ્મોનો આનંદ માણવાની તક મળી છે. આગામી વર્ષોમાં દર્શકોને આવી વધુ ફિલ્મો જોવા મળી શકે છે. જેથી અહીં આગામી સમયમાં રિલીઝ થનારી અને તાજેતરમાં રિલીઝ થયેલી ફિલ્મો અંગે જાણકારી આપવામાં આવી છે.

83 : આ ફિલ્મ 1983ના વર્લ્ડકપ પર આધારિત છે, ફિલ્મની પટકથા વર્લ્ડ કપ વિજેતા ભારતીય ટીમની આસપાસ ફરે છે. ફિલ્મમાં મુખ્ય રોલ રણવીર સિંહે કર્યો છે. તેમણે કપિલદેવની ભૂમિકા ભજવી છે. આ ઉપરાંત દિપીકા પાદુકોણ, પંકજ ત્રિપાઠી જેવા કલાકારો પણ આ ફિલ્મમાં છે આ ફિલ્મનું ડાયરેક્શન કબીર ખાન દ્વારા કરવામાં આવ્યું છે. કબીર ખાન અગાઉ એક થા ટાઇગર અને બજરંગી ભાઈજાન જેવી ફિલ્મ્સ ડિરેક્ટ કરી ચૂક્યા છે.

પૃથ્વીરાજ - ચંદ્ર પ્રકાશ દ્વિવેદી દિગ્દર્શિત પૃથ્વીરાજ આવતા વર્ષે 21 જાન્યુઆરીએ થિયેટરોમાં જોવા મળશે. આ ફિલ્મ પૃથ્વીરાજ ચૌહાણના જીવન પર આધારિત છે. સમ્રાટ પૃથ્વીરાજ ચૌહાણના રોલમાં અક્ષય કુમાર છે. જ્યારે અન્ય સ્ટાર કાસ્ટમાં સંજય દત્ત, સોનુ સૂદ, આશુતોષ રાણા વગેરેનો સમાવેશ થાય છે. નવોદિત માનુષી ચિલ્લર પૃથ્વીરાજની પત્નીની ભૂમિકા ભજવી રહી છે. આ ફિલ્મ યશ રાજ ફિલ્મ્સ હેઠળ બનાવવામાં આવી છે

મેદાન - અજય દેવગણ ટૂંક સમયમાં જ પોતાની આગામી ફિલ્મ મેદાનમાં ફૂટબોલ કોચની ભૂમિકામાં જોવા મળશે. તે ભારતના ભૂતપૂર્વ ફૂટબોલ કોચ સયેદ અબ્દુલ રહીમની ભૂમિકા ભજવી રહ્યો છે. અમિત રવિન્દરનાથ શર્માએ આ પ્રોજેક્ટનું સુકાન સંભાળ્યું હતું અને બોની કપૂર દ્વારા ફાઈનાન્સ કરવામાં આવી હતું. આ ફિલ્મ ઝી સ્ટુડિયો બેનર હેઠળ બને છે. સાઉથની અભિનેત્રી પ્રિયમાની પણ આ બાયોગ્રાફિકલ ફિલ્મમાં દર્શાવવામાં આવી છે

શબાશ મીઠુ - મિતાલી રાજની બાયોગ્રાફિકલ ફિલ્મ શબાશ મીઠુમાં તાપસી જોવા મળશે. તે લેજન્ડરી મહિલા ક્રિકેટ ખેલાડી મિતાલી રાજનો રોલ કરશે. આ ફિલ્મ રાષ્ટ્રીય ફિલ્મ પુરસ્કાર વિજેતા શ્રીજીત મુખર્જી દ્વારા દિગ્દર્શિત કરાઈ છે. ફિલ્મમાં તાપસી પન્નુ ઉપરાંત તેમાં રિચાર્ડ ભાટી ક્લેઇન અને ગુલ્ટેશમ છે. આ ફિલ્મ વાયકોમ 18 સાથેના કોલોબ્રેશન સાથે કોલ્સેસિયમ મીડિયાના બેનર હેઠળ બનાવવામાં આવી છે.

ગાંગુબાઈ કાઠિયાવાડી - આ ફિલ્મ 18 ફેબ્રુઆરીએ રિલીઝ થઈ શકે છે. આલિયા ભટ્ટ એકદમ નવી ભૂમિકમાં જોવા મળશે. તે ગંગા હરજીવનદાસ ઉર્ફે ગંગુબાઈ કાઠિયાવાડી નામના વેશ્યાલયના મેડમની ભૂમિકા ભજવી રહી છે. ફિલ્મમાં અજય દેવગન, હુમા કુરેશી, અને ઇમરાન હાશ્મી પણ જોવા મળશે. આ ફિલ્મનું દિગ્દર્શન પાંચ રાષ્ટ્રીય ફિલ્મ પુરસ્કાર વિજેતા સંજય લીલા ભણસાલીએ કર્યું છે.

મેજર - ટોલીવુડના અભિનેતા-દિગ્દર્શક અદિવી શેષ ટૂંક સમયમાં મેજર સંદીપ ઉન્નીકૃષ્ણનની ભૂમિકામાં જોવા મળશે. મેજર સંદીપ ઉન્નીકૃષ્ણન તાજ હોટલમાં 2008માં મુંબઈ હુમલા દરમિયાન અસંખ્ય બંધકોના જીવ બચાવતી વખતે શહીદ થયા હતા. તેનું નિર્માણ સાઉથ સ્ટાર મહેશ બાબુ, જી.મહેશ બાબુ એન્ટરટેઇનમેન્ટ અને સોની પિક્ચર્સ દ્વારા સંયુક્ત કરાયું છે. તેનું શૂટિંગ એક સાથે હિન્દી અને તેલુગુમાં કરવામાં આવ્યું છે અને બાદમાં મલયાલમમાં ડબ કરવામાં આવી છે. તે 11 ફેબ્રુઆરી 2022ના રોજ થિયેટરોમાં જોવા મળશે.

મોગલ – ધ ગુલશન કુમાર સ્ટોરી - આ ફિલ્મમાં ટી-સિરીઝના સ્થાપક સ્વર્ગીય ગુલશન કુમારનો રોલ આમિર ખાન કરશે. અહેવાલો મુજબ ગુલશન ગ્રોવર દાઉદ ઇબ્રાહિમનો રોલ ભજવશે. આ ફિલ્મ સુભાષ કપૂર દ્વારા દિગ્દર્શિત છે અને ભૂષણ કુમારે ફિલ્મ પ્રોડ્યુસ કરી છે. આ બાયોગ્રાફીક ફિલ્મનું નામ મોગલ છે. ફિલ્મ માટેની તૈયારી જોરશોરથી ચાલી રહી છે.

પીવી સિંધુ બાયોપિક - વર્લ્ડ ચેમ્પિયનશીપમાં ગોલ્ડ મેડલ જીતનાર પ્રથમ ભારતીય બેડમિન્ટન ખેલાડીની આ સ્ટોરીમાં દીપિકા પાદુકોણ પી.વી.સિંધુના રોલમાં હશે. જોકે, આ ફિલ્મ વિશે અત્યાર સુધી કોઈ સત્તાવાર માહિતી મળી નથી. અલબત્ત સપ્ટેમ્બરમાં રણવીર સિંહે પોતાની ઇન્સ્ટાગ્રામ પોસ્ટમાં બેડમિન્ટન પીવી સિંધુ સાથેની તસવીર શેર કરી હતી. જેમાં રણવીર અને દીપિકા સાથે પી.વી.સિંધુ જમતા હતા. ત્યારથી બાયોપિકની અફવાઓ વહેતી થઈ રહી છે.

અભિનવ બિન્દ્રાની બાયોપિક - બે ફ્લોપ ફિલ્મો હોવા છતાં હર્ષવર્ધન કપૂર પોતાની બાયોપિક ફિલ્મમાં ઓલિમ્પિક ગોલ્ડ મેડાલીસ્ટ અભિનવ બિન્દ્રાની ભૂમિકા મેળવવામાં સફળ રહ્યો છે. પિતા-પુત્રની જોડી અનિલ કપૂર અને હર્ષવર્ધન કપૂર હવે ઓલિમ્પિક ચેમ્પિયન અભિનવ બિન્દ્રાની બાયોગ્રાફીમાં જોવા મળશે. કન્નન ઐયર ફિલ્મમાં ફાળો આપી રહ્યા છે. અભિનવ બિન્દ્રા તરીકે હર્ષવર્ધન અને અપજીત બિન્દ્રા તરીકે અનિલ કપૂર છે. આ ફિલ્મ અનિલ કપૂર ફિલ્મ કંપનીના બેનર હેઠળ બનાવવામાં આવી રહી છે.

ગોરખા - અક્ષય કુમાર અભિનીત ગોરખા ભારતીય સેના ગોરખા રેજિમેન્ટના દિગ્ગજ અધિકારી મેજર Maj. Gen. Ian Cardozoના જીવન પર આધારિત છે. આ ફિલ્મમાં અક્ષયની સાથે રાજ વિશ્વકર્મા પણ છે. આ ફિલ્મ સંજય પૂરન સિંહ ચૌહાણ દ્વારા દિગ્દર્શિત છે. ફિલ્મમાં આનંદ એલ રાયે ફાઈનાન્સ કર્યું છે. ઉલ્લેખનીય છે કે, અત્યારે બોલિવૂડમાં બાયોપિકનો ટ્રેન્ડ સર્વોચ્ચ સ્તરે છે. ઉપર જણાવેલી ફિલ્મો ઉપરાંત ઓશો, શકીલા અને સલામ (રાકેશ શર્માની બાયોપિક) જેવા અસંખ્ય બાયોપિક પ્રોજેક્ટ્સ છે. મોટાભાગની કાસ્ટિંગ અને ફિલ્મ વાર્તાઓ એકબીજા સાથે સારી રીતે સુસંગત છે.