કપિલ શર્મા શોમાં ‘ધકધક ગર્લ’ માધુરીએ વિખેર્યો જાદુ, ડોલા રે પર કર્યો ધમાલ ડાન્સ

ધ કપિલ શર્મા શો (The Kapil Sharma Show)માં દર સપ્તાહે બી-ટાઉનના અનેક સેલેબ્રિટીઓ ગેસ્ટ તરીકે આવતા રહે છે. આ સપ્તાહે બોલીવૂડની ધકધક ગર્લ માધુરી દીક્ષિત (Madhuri Dixit) શોમાં પોતાના ડાન્સ અને અદાઓથી જલવો વિખેરતી નજર આવશે. માધુરી દીક્ષિત કપિલના શોમાં તેની મચઅવેટેડ સીરીઝ ‘ધ ફેમ ગેમ’ને (The Fame Game) પ્રમોટ કરવા માટે તેની ટીમ સાથે પહોંચી હતી. માધુરી સાથે શોમાં ત સંજય કપૂર (Sanjay Kapoor) અને માનવ કોલ (Manav Kaul) પણ નજરે આવશે. માધુરીને જોઇને કપિલ તેમની સાથે ખૂબ ફ્લર્ટ કરતો પણ નજરે આવશે.

ફિલ્મી અંદાજમાં થઇ માધુરીની એન્ટ્રી - કપિલ શર્માના શોમાં માધુરી દીક્ષિતની એન્ટ્રી ખૂબ ફિલ્મી અંદાજમાં થશે. માધુરીની એન્ટ્રી પર ગીત વાગશે પહેલા પહેલા પ્યાર હે અને ત્યાર બાદ કપિલ એક્ટ્રેસનો હાથ પકડીને તેને સ્ટેજ સુધી લાવશે.

કપિલ માધુરીને કહે છે – માધુરી મેમનો ક્રેઝ હંમેશા ટોપ પર રહ્યો છે. કોલેજમાં છોકરાના પર્સમાં પૈસા હોય કે ન હોય તમારી ફોટો જરૂર નીકળતો હતો. આ સાંભળીને માધુરી પણ હસવા લાગે છે.

ડોલા રે સોંગ પર માધુરીએ લગાવા ઠૂમકા - આ દરમિયાન કૃષ્ણા અભિષેક શોમાં જેકી શ્રોફના લુકમાં દેખાશે. જ્યારે ચંદન પ્રભાકર દેવદાસ ફિલ્મના શાહરૂખ ખાનની એક્ટિંગ કરીને ફેન્સને મનોરંજન પીરસશે.

માધુરી દીક્ષિત કપિલના શોમાં પોતાના મોસ્ટ પોપ્યુલર સોન્ગ ડોલા રે ડોલા રે... સોન્ગ પર પણ ખૂબ ઠૂમકા લગાવતી નજરે આવશે. ટૂંકમાં કહીએ તો શોનો આ એપિસોડ દર્શકો માટે ખૂબ ધમાકેદાર અને એન્ટરટેનિંગ રહેવાનો છે.

25 ફેબ્રુઆરીએ રિલીઝ થશે ‘ધ ફેમ ગેમ’ - માધુરી દીક્ષિતની સીરીઝ ધ ફેમ ગેમની વાત કરીએ તો તેને 25 ફેબ્રુઆરીએ નેટફ્લિક્સ પર રિલીઝ કરવામાં આવશે.

આ સીરીઝમાં માધુરીની સાથે માનવ કોલ અને સંજય કપૂર સહિત અનેક મોટા સિતારાઓ લીડ રોલમાં જોવા મળશે. સીરીઝનું ટ્રેલર ખૂબ દમદાર છે. ફેન્સ હવે આતુરતાથી આ સીરીઝની રિલીઝ થવાની રાહ જોઇ રહ્યા છે. જોવાનું તે રહેશે કે દર્શકો સીરીઝને કેટલો પ્રેમ આપે છે.