TVની અભિનેત્રી શ્રાવણીએ ફાંસો ખાઈ આત્મહત્યા કરી, બૉયફ્રેન્ડ પર લાગ્યો ઉત્પીડનનો આરોપ

મુંબઈ : એક તરફ દેશ આખો સુશાંત સિંધ રાજપૂતની (Sushant singh rajput death case) આત્મહત્યા કે હત્યાના કેસમાં થઈ રહેલી કાર્યવાહીનો સાક્ષી બની રહ્યો છે, ત્યારે મનોરંજનની દુનિયામાંથી વધુ એક માઠા સમાચાર આવ્યા છે. ટેલિવિઝનની એકટ્રેસ શ્રાવણી કોંડપલ્લીએ (Sravani kondaplli) મંગળવારે રાત્રે ફાંસો ખાઈને જિંદગી (Telugu actress commits suicide) ટૂંકાવી લેતા હાહાકાર મચી ગયો છે. દરમિયાન આ અભિનેત્રીની આત્મહત્યા બાદ પરિવારે ગંભીર આરોપ લગાવ્યા છે.

શ્રાવણી તેલુગુ સીરિયલ્સમાં ખૂબ જાણીતા અભિનેત્રી હતી અને તેણે 'મનસુ મમતા', 'મોનરાગમ' વગેરે જેવી હિટ શ્રેણીઓમાં અભિનય કર્યો હતો. દરમિયાન મીડિયાના અહેવાલો મુજબ શ્રાવણી કોંડાપલી (sravani kondapalli)નો મૃતદેહ બાથરૂમમાંથી મળી આવ્યો હતો. તેણે બાથરૂમમા આત્મહત્યા કરી હતી.

પોલીસે તેના મૃતદેહનું પોસ્ટમોર્ટ કરાવ્યું હતું અને તેને ઉસ્માનિયા હૉસ્પિટલમાં લઈ જવામાં આવ્યો છે. દરમિયાન શ્રાવણીના પરિવારે તેના બૉયફ્રેન્ડ વરાજ રેડ્ડી પર આરોપ લગાવ્યો છે. જોકે, આ અહેવાલમાં કેટલું તથ્ય છે તો તપાસ બાદ જ બહાર આવી શકે

મંગળવારે રાત્રે આશરહે 10.00 વાગ્યાની આસપાસ હૈદરાબાદના એસઆર નગર પીએસ મથુરાનગરમાં H56 બ્લૉકના બીજા માળે રહેતી શ્રાવણીએ આત્મહત્યા કરી લીધી હોવાનો અહેવાલ છે. શ્રાવણીના ભાઈએ બહેનની મૃત્યુ બાદ આરોપીને શખત સજા આપવાની માંગણી કરી છે.

ટાઇમ્સ ઑફ ઇન્ડિયાના એક અહેવાલ મુજબ દેવરાજ રેડ્ડીના ઉત્પીડનના કારણે શ્રાવણીએ આત્મહત્યા કરી છે. મૃતકના પરિવારે એસઆર નગર પોલીસ સ્ટેશનમાં ફરિયાદ દાખલ કરી છે.

શ્રાવણી 8 વર્ષથી તેલુગુ ટેલિવિઝન ઇન્ડસ્ટ્રીમાં સક્રિય અભિનેત્રી તરીકે કામ કરી રહી હતી. હજુ તો દેશમાં સુશાંત સિંઘના મૃત્યુ અને ત્યારબાદની ઘટનાઓના પડઘા શાંત નથી પડ્યા ત્યા વધુ એક અભિનેત્રીએ જીવન ટૂંકાવી લેતા ચાહકોમાં આઘાતની લાગણી છે.