તારક મહેતા કા ઉલ્ટા ચશ્મા - કયા કલાકાર પાસે કઈ કાર છે

તારક મેહતા કા ઉલ્ટા ચશ્મા (Tarak Mehta Ka Oolta Chashmah) સૌથી લોકપ્રિય સિરીયલો (favourite serial)માંની એક છે. આ સાથે જ ભારતીય ટીવી સિરિયલોમાં સૌથી લાંબી ચાલનાર અને 3000 એપિસોડ પૂર્ણ કર્યા હોય તેવી આ એક માત્ર સિરીયલ છે. આ અચિવમેન્ટ બદલ તારક મેહતા કા ઉલ્ટા ચશ્માને ગીનીસ વર્લ્ડ રેકોર્ડ (Guiness world record) માં સ્થાન પણ મળ્યું છે. 13 વર્ષ પછી આજે પણ આ સિરીયલ પોતાના કોન્ટેન્ટ અને કોમેડીથી દર્શકોને હસાવવામાં સફળ રહી છે. આ શોની સ્ટારકાસ્ટને શોની સક્સેસથી નામ, ઓળખ અને પૈસા પણ મળ્યા છે. સ્ટારકાસ્ટ પાસે રહેલી લગ્ઝુરીયસ અને મોંધી કારો એ વાતનો અંદાજ આપે છે કે શો કેટલો સક્સેસફુલ છે અને તેઓ કેટલી કમાણી કરતા હશે. જણાવી દઈએ કે આ સિરીયલની સ્ટારકાસ્ટને પર એપિસોડ દીઠ મોટી રકમ આપવામાં આવે છે. ભારતમાં ટીવી સેલિબ્રિટીઝ પર નજર કરવામાં આવે તો તારક મેહતા કા ઉલ્ટા ચશ્માની સ્ટારકાસ્ટ પાસે શ્રેષ્ઠ ગાડીઓ જોવા મળે છે. આ કારમાં લગ્ઝુરીયસ કાર્સનો સમાવેશ થાય છે. ચાલો એક નજર કરીએ કોની પાસે કઈ કાર છે.

દિલીપ જોશી - શોના મુખ્ય પાત્ર જેઠાલાલ ગડા એટલે કે દિલીપ જોશી પાસે Audi Q7 છે. જણાવી દઈએ કે Audi Q7ની કિંમત લગભગ રૂ. 80.11 લાખ છે. આ સાથે જ તેમની પાસે 13 લાખ કિંમતની Toyota Innova કાર પણ છે. હાલમાં જ તેમણે Kia Sonnet Compact SUV પણ ખરીદી છે, આ ગાડીની કિંમત 12.29 લાખ છે.

દિશા વાકાણી - શોમાં જેઠાલાલની પત્ની દયાબેનનું પાત્ર ભજવતી દિશા વાકાણી શોમાં પોતાના કો સ્ટાર દિલીપ જોશી સાથે સૌથી વધુ ફી મેળવે છે. જણાવી દઈએ કે શોમાં સૌથી વધુ સેલરી મેળવતી દિશા વાકાણી પાસે પણ દિલીપ જોશીની જેમ જ 80.11 લાખની કિંમત ધરાવતી Audi Q7 છે.

મુનમુન દત્તા - બંગાળી બ્યૂટી મુનમુનદત્તા શોમાં ઐયરની પત્ની બબિતા ઐયરના પાત્રમાં જોવા મળએ છે. મુનમુન દત્તા પાસે 23.02 લાખની કિંમત ધરાવતી Innova Crysta કાર છે. આ સાથે તેમની પાસે Swift Dzire પણ છે, જેની કિંમત 9 લાખ રૂપિયા છે.

શૈલેશ લોઢા - શોમાં નેરેટર અને મુખ્ય પાત્રોમાંના એક શૈલેશ લોઢા તારક મહેતાનું પાત્ર ભજવે છે. જણાવી દઈએ શૈલેશ શોમાં હાઈએસ્ટ પેઈડ એક્ટર્સમાંથી એક છે. તેની પાસે Mercedes Benz GLS E350D કાર છે. આ કારની કિંમત 75.29 લાખ રૂપિયા છે.

અમિત ભટ્ટ - શોમાં બાપુજીના પાત્રમાં જોવા મળતા અમિત ભટ્ટ પણ લોકપ્રિય પાત્ર છે. અમિત ભટ્ટ પણ મુનમુન દત્તાની જેમ 23.02 લાખ કિંમત ધરાવતી Toyota Innova Crysta કારના માલિક છે.

સોનાલિકા જોશી - સોનાલિકા જોશી શોમાં માધવી ભીડેના પાત્રમાં જોવા મળે છે. સોનાલિકા પાસે MG Hector કાર છે, આ કારની કિંમત 17.53 લાખ રૂપિયા છે. પોતાની નવી કાર સાથે સોનાલિકાએ એક ફોટો પોસ્ટ કર્યો હતો. આ ફોટોના કેપ્શનમાં તેણે લખ્યું હતું, જ્યારે તમારું એક નાનકડું સપનું પુરું થાય... થેન્ક યુ એવરીવન... તમારા આશિર્વાદ અને શુભેચ્છાઓ... (“ when ur little dream come true...Thank you everyone...wth ur blessings &wishes...." )

પલક સિંધવાની - પલક શોમાં સૌથી યંગ કાસ્ટ મેમ્બર્સમાંથી એક છે. પલક શોમાં સોનુ ભીડેના કેરેક્ટરમાં જોવા મળે છે. હાલમાં જ સોનુંએ પોતાની કમાણીમાંથી પરિવાર માટે તેની પહેલી કાર ખરીદી છે. સોનુએ પોતાના યૂટ્યૂબ ચેનલ પર આ અંગે એક બ્લોગ શેર કર્યો હતો અને જણાવ્યું હતું કે તેણે તેના પિતાને આ કાર ગિફ્ટ આપી છે. સોનું પાસે હાલ 13.22 લાખ કિંમતની Hyundai Verna છે.