સાઉથ ફિલ્મોથી બોલિવૂડમાં પોતાનો ડંકો વગાડનારી તાપસી જાણી ગઇ છે કે ઇન્ડસ્ટ્રીમાં ટકી રહેવાં શું કરવાનું છે.
એક સ્પાય વૂમન, હોકી પ્લેયર, પંજાબી ગર્લ, એક વિક્ટિમ જે પોતાનાં રાઇટ્સ માટે લડી લે છે. તો ક્યારેક માર્શલ આર્ટ ઇન્સટ્રક્ટર, અંધ યુવતી જેવાં ઘણાં જ રોલ તે બોલિવૂડ ફિલ્મોમાં કરી ચૂકી છે.
હવે તે ફક્ત સાઉથની સુપર સ્ટાર નથી રહી પણ તે બોલિવૂડની પણ દબંગ એક્ટ્રેસની લિસ્ટમાં શામેલ થઇ ગઇ છે.
તાપસી ઘણી બધી ભાષા જાણે છે સાઉથની તમીલ તેલુગુ અને કેરાલિયન ફિલ્મોમાં તે કામ કરી ચુકી છે તો બોલિવૂડમાં તે હિન્દી ભાષા પણ ઘણી જ સરળતાથી બોલી લે છે.
સાઉથની ઘણી એક્ટ્રેસ બોલિવૂડમાં તેમની કિસ્મત અજમાવવા આવી છે પણ તેઓ બોલિવૂડમાં એટલું ચાલી ન શકી. જ્યારે લોકોએ તાપસીને ખુબજ સહજતાથી અપનાવી લીધી છે.
અને વર્ષ 2012માં તેણે પહેલી હિન્દી ફિલ્મ કરી હતી 'ચશ્મેબદ્દુર' જે માટે તે ફિલ્મફેરમાં બેસ્ટ ડેબ્યુ એક્ટ્રેસ માટે નોમિનેટ પણ થઇ હતી.
ર્ષ 2010થી ફિલ્મોમાં એક્ટિવ તાપ્સી અમિતાભ બચ્ચન, રિશિ કપૂર, મનોજ બાજપેયી, અક્ષય કુમાર અને ડેની ડિઝોપ્પા જેવાં દિગ્ગજ બોલિવૂડ સ્ટાર્સ સાથે પણ કામ કરી ચૂકી છે.
