તનુશ્રી બોલી- 10 વર્ષ પહેલા એક્ટરે કરી હતી અશ્લીલ હરકત, કંટાળીને છોડીતી ફિલ્મ

વર્ષ 2017માં હોલિવૂડમાં એક ચળવળની શરૂઆત થઇ. જેને આખી દુનિયાને હચમચાવી મુકી. ન્યૂયોર્ક ટાઇમ્સે એક ખુલાસા બાદ 'મી ટૂ મૂવમેન્ટ' હેઠળ ઘણી એક્ટ્રેસે તેમની સાથે થયેલાં અશ્લિલ વર્તન, જોર-જબરદસ્તી અને યૌન ઉત્પીડન અંગે જાહેરમાં વાત કરી.

હોલિવૂડની જેમ બ્રિટનમાં પણ ઘણી એક્ટ્રેસિસે આ મામલે ખુલીને પોતાની આપવીતી સંભળાવી. પણ ભારતમાં આ મૂવમેન્ટ અંગે ગણી ગાઠી હિરોઇનોએ પોતાની વાત કહીં. જોકે 'આશિક બનાયા આપને' ફેઇમ તનુશ્રી દત્તાએ મી-ટૂ મૂવમેન્ટ હેઠળ પોતાની કહાની શેર કરી છે.

તનુશ્રીનું કહેવું છે કે, 'હોલિવૂડમાં મી ટૂની શરૂઆત થોડા વર્ષો પહેલા થઇ હતી. પણ ભારતમાં આવું ઘણાં વર્ષ પહેલાં થયુ હતું. ત્યારે ભારતમાં તે કદાચ પહેલી વ્યક્તિ હતી જેણે ખુલીને આ મુદ્દે પોતાની વાત કહી હતી. સૌ કોઇ જાણે છે શું થયુ હતું. પણ માને છે કે તનુશ્રી દત્તાએ યૌન ઉત્પીડન વિરુદ્ધ અવાજ ઉઠાવીને પોતાનું કરિઅર પૂર્ણ કરી નાખ્યું.'

તનુશ્રી દત્તાએ 2008માં ફિલ્મ 'હોર્ન ઓકે પ્લીઝ'નાં સેટ પર એક એક્ટર પર શૂટિંગ દરમિયાન તેની સાથે ગેરવર્તણૂક કર્યાનો આરોપ લગાવ્યો હતો. તેણે કહ્યું હતું કે, એક્ટરે તેને અસહજ અનુભવ કરાવ્યો હતો. તેને કારણે તેણે ફિલ્મ છોડવી પડી હતી.

તનુશ્રી કહે છે કે, 'સૌ કોઇ જાણે છે કે શું થયુ હતુ, પણ કોઇ કંઇ બોલવા માંગતુ નથી. ત્રણ દિવસ સુધી નેશનલ ટીવી પર આ અંગે સમાચાર આવતા રહેતા હતાં. પણ કોઇ આ અંગે કંઇ જ બોલ્યુ ન હતું. ' તે કહે છે કે આ ઘટના બાદ મને તે ફિલ્મનાં સેટ પર જતા પણ ડર લાગતો હતો.

તનુશ્રી કહે છે કે, આ વાવાદ બાદ મને 30-40 ફિલ્મોની ઓફર આવી. પણ એક અજીબ ડર મારી અંદર ઘર કરી ગયો હતો. અને મે કોઇ જ ફિલ્મ કરી નહીં.

આ બાદ તનુશ્રી વર્ષ 2010માં એપાર્ટમેન્ટ ફિલ્મમાં નજર આવી. હવે તે અમેરિકા શિફ્ટ થઇ ગઇ છે.