બેંકમાં ફસાઇ હતી મહિલા ફિલ્મ ડિરેક્ટર, તાલિબાનીઓની બચીને આવી રીતે નીકળી બહાર; જણાવી આપવીતી

કાબૂલ: અફઘાનિસ્તાન (Afghanistan) પર 23 વર્ષ બાદ તાલિબાન (Taliban) રાજ પરત આવી ગયુ છે. જેનો ખરાબ પ્રભાવ ત્યાંની મહિલાઓ અને યુવતીઓ પર જોવા મળી રહ્યો છે. મહિલાઓ અને યુવતીઓ પર ફરીથી શરિયાનાં કાયદા લાગૂ પાડવાં મજબૂર કરી રહ્યાં છે. લોકોમાં દેશ છોડવાની અફરા-તફરી મચી છે. આ વચ્ચે અફઘાનિસ્તાનની પ્રખ્યા ફિલ્મ ડિરેક્ટર સહારા કરીમી (Sahara Karimi)એ આપવીતી સંભળાવી છે.

'ઇન્ડિપેન્ડટ' સાથે વાત કરતાં સહારા કરીમીએ જણાવ્યું કે, અફઘાનિસ્તાનની પરિસ્થિતિ કેવી છે. તેણે કહ્યું કે, આ ખૌફનાખ છે. આ ખુબજ જરૂરી છે કે, આ ઘટનાઓનું ડોક્યૂમેન્ટેશન કરી લેવામાં આવે. જેથી આવનારા સમયમાં દુનિયા અફઘાનિસ્તાનનાં આ કઠિન સમયને ભૂલી ન જાય.

કરીમીએ આ પહેલાં દુનિયાભરમાં ફિલ્મ કોમ્યુનિટીને પત્ર લખી તાલિબાનનાં જુલ્મ વિરુદ્ધ અવાજ ઉઠાવવાં અપીલ કરી હતી. તેનો પત્ર સોશિયલ મીડિયા પર વાયરલ થઇ ગયો હતો. તેણે જણાવ્યું હતું કે, 15 ઓગસ્ટનાં તે પૈસા કાઢવાં બેંક ગઇ હતી. ઘણો સમય ઇન્તેઝાર કરવામાં આવ્યાં બાદ પણ તે પૈસા ન કાઢી શકી અને અચાનક જ બહારથી ગોળીઓનો અવાજ તેને સંભળાવવાં લાગ્યો.

તાલિબાનનાં અફઘાનિસ્તાન પર કબ્જો કર્યા બાદ 38 વર્ષની કીરીમી રાતોરાત કાબુલ છોડીને ભાગવું પડ્યુંહ તું. તે હાલમાં યૂક્રેનની રાજધાની કીવમાં છે. તેણે આ પહેલાં કાબુલનાં રસ્તા પર ફરતો એક વીડિયો રેકોર્ડ કર્યો છે અને ત્યાંની સ્થિતિ જણાવી છે.

બેંક મેનેજરે કરીમીને ત્યાંથી ચાલ્યા જવા ક્હયું. મેનેજરે પોતે કહ્યું કે, અફઘાનિસ્તાનમાં આપને સૌ કોઇ જાણે છે. તાલિબાની કાબુલની ખુબજ નજીક પહોંચી ગયા છે. તેથી આપ અહીંથી ચાલ્યા જાઓ. ફિલ્મ ડિરેક્ટરે જણાવ્યું કે, બેંક મેનેજરે પાછળનો દરવાજો ખોલીને મને ત્યાંથી બહાર કાઢી મુકી.

કરીમી અફઘાન ફિલ્મ ઓર્ગેનાઇઝેશનની પહેલી મહિલા ડિરેક્ટર છે કરીમી હવા, મરિયમ, આયશા જેવી ફિલ્મો બનાવી ચૂકી છે. આ ફિલ્મોમાં અફઘાનિસ્તાનની મહિલાઓનાં જીવન અંગે જણાવવામાં આવ્યું છે.