રિયા અને શોવિકની ન્યાયિક હિરાસત 20 ઓક્ટોબર સુધી વધી

એન્ટરટેઇનમેન્ટ ડેસ્ક: બોલિવૂડ એક્ટ્રેસ રિયા ચક્રવર્તી અને તેનાં ભાઇ શોવિક ચક્રવર્તીની મુશ્કેલીઓ પૂર્ણ થવાનું નામ જ નથી લેતી. બંને ભાઇ બહેન ડ્રગ્સ કેસમાં હાલમાં મુંબઇની જેલમાં બંધ છે. 6 ઓક્ટોબરનાં રિયાની ન્યાયિક હિરાસત પૂર્ણ થવાની હતી. પણ હજુ વધુ સમય માટે બંનેએ જેલનાં સળિયા પાછળ રહેવું પડશે.

14 દિવસ વધુ જેલમાં રહેશે રિયા-શોવિક- રિયા ચક્રવર્તી અને શોવિક ચક્રવર્તીએ હજુ 14 દિવસ સુધી જેલમાં રહેવું પડશે. આજે મંગળવારે સેશન્સ કોર્ટે રિયા સહિત તેનાં ભાઇની ન્યાયિક હિરાસત 20 ઓક્ટોબર સુધી વધારી દીધી છે. આપને જણાવી દઇએ કે, રિયા અને શોવિકની ડ્રગ્સ મામલે NCBએ ધરપકડ કરી હતી. રિયા ભાયખલા જેલમાં છે. રિયા અને શોવિક ઘણી વખત કોર્ટમાં જામીન અરજી કરી ચૂક્યા છે. પણ દર વકતે તેમની બેલ અરજ કોર્ટ દ્વારા ખારીજ કરવામાં આવી છે.

ડ્રગ્સ મામલામાં ફસાઇ રિયા- NCBએ 8 સ્પટેમ્બરનાં 28 વર્ષીય બોલિવૂડ એક્ટ્રેસ રિયાની ધરપકડ કરી હતી. રિયા અને શોવિક તે 20 લોકોમાંથી છે જેમને ગત કેટલાંક અઠવાડિયાથી NCBએ અટકાયતમાં લીધા છે. NCB સુશાંતનાં મોત મામલે જોડાયેલાં ડ્રગ્સ એંગલની તપાસ કરી રહી છે. તથા રિયાનું પણ નામ સામે આવ્યું હતું.

રિયા અને તેનાં ભાઇ શોવિકનાં ઘણાં બધા ડ્રગ્સ પેડલર્સ સાથે કનેક્શન હતાં. રિયા અને શોવિકની તેમનાં સાથે ચેટથી આ તમામ ખુલાસા થયા હતાં. જે બાદ બંને એ NCBની પૂછપરછ માટે બોલાવ્યાં હતાં. બાદમાં તેમની ધરપકડ થઇ હતી. રિયા અને શોવિક પર સુસાંત માટે ડ્રગ્સ ખરીદવાનો પણ આરોપ છે. બંનેએ પૂચપરછમાં આ વાત કબૂલી પણ છે.