સની લિયોનીએ ફોન નંબર લીક થવા પર આપ્યું રિએક્શન, કહ્યું કંઇક આવું

ગત દિવસોમાં સની લિયોનનાં લિક થયેલાં ફોન નંબરને લઇને ઘણી વાતો ચાલી રહી છે. આ તે જ નંબર છે જે તે દિલજીત દોસાંજ અને કૃતિ સેનન સ્ટાર ફિલ્મ 'અર્જુન પટિયાલા'માં આપે છે. આ નંબર સની લિયોનનો ન હતો પણ એક દિલ્હીનાં વ્યક્તિનો હતો.

આ નંબર જાહેર થતાં જ વાયરલ થઇ ગયો જેને કારણે તે વ્યક્તિ મુશ્કેલીમાં મુકાઇ ગયો છે. ફિલ્મમાં જે નંબર બતાવવામાં આવ્યો છ તે સનીનો તો ન જ હતો. પણ દિલ્હીનાં પુનિત અગ્રવાલનો હતો. ફિલ્મ જોઇને લોકો સનીનો નંબર હશે તેમ માનીને આ નંબર પર કોલ કરતાં હતાં. જેને કારણે પુનિતને ઘણી મુશ્કેલીઓ થઇ હતી.

નંબર જાહેર થતાં પુનીતને 300થી વધુ કોલ્સ આવ્યા હતાં. પુનીતે પોતાની આપવીતી જણાવી હતી. તેણે કહ્યું કે, લોકો તેની સાથે અશ્લિલ વાત કરતાં તો કેટલાંક તેને ગાળો ભાંડતા હતાં. પરેશાન થઇને તેને પોલીસ ફરિયાદ નોંધાવી હતી. જોકે તેને કોઇ જ ફાયદો મળ્યો ન હતો. આ વાતની જાણ સની લિયોનીને થતા તેણે આ અંગે પોતાની પ્રતિક્રિયા આપી છે.

સનીએ કહ્યું કે, 'સોરી હું નહોતી ઇચ્છતી કે આપની સાથે આવું કંઇક થાય. આપને જરૂર કેટલાંક રસપ્રદ લોકો ફોન કરી રહ્યાં હશે.'

વેલ આપને જણાવી દઇએ કે દિલજીત દોસાંજ અને ક્રિતી સેનની આ ફિલ્મ બોક્સ ઓફિસ પર પિટાઇ ગઇ છે. દર્શકોની આશા પર તે નઠારી સાબિત થઇ છે.