હવે શ્રીદેવીનાં જીવનનાં અનેક રહસ્યો પરથી ઉઠશે પડદો!

ભારતીય સિનેમાની દિગ્ગજ એક્ટ્રેસ શ્રીદેવીનું જીવન પેંગુઇન હાઉસ ઇન્ડિયા બૂક પ્રકાશિત કરશે. આ જાહેરાત પેંગુઇન રેન્ડમ હાઉસ ઇન્ડિયાએ હાલમાં જ કરી હતી. 'શ્રીદેવી: ગર્લ વુમન સુપરસ્ટાર' શીર્ષક સાથે આ બૂકને લેખક-પટકથા લેખક સત્યાર્થ નાયકે લખી છે. અને દિવંગત એક્ટ્રેસનાં પતિ બોની કપૂરે તેનાં પર સહમતિ આપી છે.

પેંગુઇન તરફથી કરવામાં આવેલી જાહેરાત મુજબ, બૂકમાં શ્રીદેવીનાં જીવન અને તેની સાથે જોડાયેલી યાદોને બૂકમાં આંકવામાં આવી છે. જેણે આ ધારણા બદલી દીધી કે, પુરૂષ પ્રધાન ફિલ્મ ઉદ્યોગમાં એખ મહિલા કેવી રીતે સુપર સ્ટાર બની શકે છે.

બૂક ઓક્ટોબર 2019માં પેંગુઇન રેન્ડમ હાઉસનાં ઇબરી પ્રેસ હેઠળ પ્રકાશિત થશે. હાલમાં આ બૂક ઇ કોમર્સ વેબસાઇટ પર પ્રી-ઓર્ડર ઉપલબ્ધ છે.

સત્યાર્થે એક નિવેદનમાં કહ્યું કે, 'હું હમેશાથી શ્રીદેવીનો ખુબ મોટો ચાહક રહ્યો છું. અને આ બૂકે મને ભારતમાં ફિલ્મી પડદે એક પ્રતિભાવાન કલાકારની યાત્રાનું વૃતાંત લખવાની તક આપી.'

તેણે કહ્યું કે, 'તે માટે ઘણી ફિલ્મી હસ્તીઓની સાથે વાતચીત કરવી ઘણો અદભૂત અનુભવ રહ્યો. જેમણે વર્ષો સુધી તેમની સાથે કામ કર્યુ અને તેમની સાથે જોડાયેલી યાદો અને કહાનીઓ શેર કરી. આ બૂક એક બાળ કલાકારથી લઇને ભારતની પહેલી મહિલા સુપરસ્ટાર બનવા સુધીની શ્રીદેવીની સફર દર્શાવે છે.'

ઉલ્લેખનીય છે કે, શ્રીદેવીનું નિધન 24 ફેબ્રુઆરી 2018નાં રોજ દુબઇમાં થયું હતું. તે સમયે તે 54 વર્ષની હતી.