Sridevi Death Anniversary: ઉંમરની વાત પર ગુસ્સે ભરાતી શ્રીદેવી, જાણો એવી જ વાતો

આજે શ્રીદેવીની પહેલી હેથ એનિવર્સરી છે. ભલે આજે શ્રીદેવી આપણી વચ્ચે નથી, પરંતુ બોલિવૂડ અને તેના ફેન્સના દિલમાં તે હંમેશા માટે યાદો છોડીને ગઇ છે. બોની કપૂરે શ્રીદેવીની યાદમાં હાલમાં જ એક સારા કામ માટે તેની સાડીની હરાજી કરી છે. આપણે જાણીશું શ્રીદેવી વિશેની એવી વાતો જે માત્ર એના નિકટના લોકો જ જાણતા હશે.

શ્રીદેવીએ એક ઇન્ટરવ્યૂમાં એ વાત કહી હતી કે, બોની કપૂર જ્યારે તેની ઉંમર યાદ અપાવતાં ત્યારે તે ગુસ્સે ભરાતી હતી. શ્રીદેવીએ મજાકિયા અંદાજમાં કહ્યું હતું કે, તે નારાજ થઇ જતી જ્યારે તેને લોકો અહેસાસ કરાવતાં કે તેણે 50 વર્ષ કામ કરી લીધું છે અને તે ઉંમરમાં બીજા કરતાં મોટી છે.

શ્રીદેવી તેના લુક અને મેકઅપનું ખાસ ધ્યાન રાખતી હતી. તે એરપોર્ટ પર પણ હંમેશા પરફેક્ટ લુકમાં જોવા મળતી હતી. તે કોઇ ઇવેન્ટ માટે તૈયાર થવા માટે કલાકોનો સમય લેતી હતી. આ વાત તેના નિકટના લોકો જાણતા હતા. જોકે, તૈયાર થયા બાદ શ્રીદેવીને લોકો જોયા જ કરતાં હતાં.

પહેલી ફીમેલ સુપરસ્ટાર હોવાની સાથે શ્રીદેવી બોલિવૂડની સ્ટાઇલ ડીવા પણ હતી. તેને સાડીઓથી ખૂબ પ્રેમ હતો. તે દુનિયામાં ગમે ત્યાં જતી ત્યાંથી સુંદર સાડી જરૂર ખરીદી લેતી આવતી હતી. તે ઇવેન્ટ્સમાં પણ સાડીમાં જ જોવા મળતી હતી.

જાન્હવી કપૂર પોતે જણાવી ચૂકી છે કે તેની માતા શ્રીદેવી પળ-પળની અપડેટ લેતી હતી. પુત્રીની ડેબ્યુ ફિલ્મ 'ધડક'ના સેટ પર પણ શ્રીદેવી હાજર રહેતી હતી. તે દિવસમાં એક વાર તેની પુત્રીઓ સાથે બેસીને આખા દિવસની વાતો પૂછતી હતી.

શ્રીદેવી સક્સેસફુલ અભિનેત્રીની સાથે એક સારી માતા અને પત્ની પણ હતી. તે પોતે કિચનમાં કામ કરતી હતી. જમવાથી લઇને સાફ સફાઇ સુધીની તમામ બાબતોનું ધ્યાન શ્રીદેવી પોતે રાખતી હતી.