સોનાક્ષી સિન્હા સામે 37 લાખનાં ઠગાઇની ફરિયાદ, જાણો આખી વિગત

ઇન્ડસ્ટ્રીની 'દબંગ ગર્લ' સોનાક્ષી સિન્હા વિરુદ્ધ ઉત્તર પ્રદેશનાં મુરાદાબાદમાં ફરિયાદ નોંધવામાં આવી છે. તેનાં પર 'ઇન્ડિયન ફેશન એન્ડ બ્યૂટી એવોર્ડ કંપની'એ તેનાં પર આરોપ લગાવ્યો છે.

સોનાક્ષી અને તેનાં મેનેજર સહિત આ કંપની દ્વારા કૂલ  7 લોકો વિરુદ્ધ પોલીસ ફરિયાદ કરવામાં આવી છે.

કંપનીએ ફરિયાદમાં કહ્યું છે કે, દિલ્હીમાં શો કરવા માટે કંપની પાસેથી સોનાક્ષીનાં ખાતામાં 28 લાખ રૂપિયા લેવામાં આવ્યા હતા. આ સાથે ટીમની ફ્લાઈટની  9 લાખ રૂપિયા સુધીની ટીકિટ બૂક કરવામાં આવી હતી પરંતુ સોનાક્ષી કોઈ પણ જાણ કર્યાં વગર કાર્યક્રમમાં પહોંચી નહોતી. ઈન્ડિયન ફેશન એન્ડ બ્યૂટી એવોર્ડ કંપનીનાં માલિક પ્રમોદ શર્મા છે.

તેમની કંપનીએ દિલ્લીનાં સીરીફોર્ટ ઓડિટોરિયમમાં ફેશન શોનું આયોજન કરાવવાનું કામ લીધું હતું. આ માટે જુનમાં જ સોનાક્ષી પાસેથી ડેટ લઇને બૂકિંગ કરવામાં આવી હતી.

સૂત્રોનાં જણાવ્યા પ્રમાણે પ્રમોદની કંપનીએ સોનાક્ષીની કંપનીનાં મેનેજર અભિષેક સિન્હાની વાત માનીને 24 લાખની રકમ જીએસટી લગાવીને સ્વાતિ સિન્હા અને સોનાક્ષી સિન્હાનાં ખાતામાં નખાવી હતી.

સૂત્રોનાં જણાવ્યા પ્રમાણે, પ્રમોદ દ્વારા પૈસા માંગતા સોનાક્ષીની ટીમ દ્વારા જાનથી મારી નાંખવાની ધમકી આપવામાં આવી હતી. કંપનીનાં ડાયરેક્ટરે એક્ટ્રેસ વિરુદ્ધ કાર્યવાહી કરવાની માંગણી કરી છે.