Sonali Phogat Murder: સોનાલી ફોગાટ મર્ડર કેસમાં મોટો ખુલાસો, PA સુધીર સાંગવાને ગુનો કબૂલ્યો

સોનાલી ફોગાટ હત્યા કેસ સાથે જોડાયેલા મોટા સમાચાર આવી રહ્યા છે. ગોવા પોલીસના સૂત્રોએ ખુલાસો કર્યો છે કે આરોપી સુધીર સાંગવાને સોનાલી ફોગાટના મૃત્યુનું ષડયંત્ર ઘડ્યું હતું. ગોવા પોલીસના સૂત્રોએ દાવો કર્યો છે કે સુધીર સાંગવાને કસ્ટોડિયલ પૂછપરછ દરમિયાન સોનાલી ફોગાટને ગુડગાંવથી ગોવા લાવવાના કાવતરાની કબૂલાત કરી છે. પોલીસે જણાવ્યું કે, ગોવામાં કોઈ શૂટિંગ નહોતું થવાનું, ગોવા લાવવાનું કાવતરું હતું.

ગોવા પોલીસના સૂત્રો પાસેથી મળતી જાણકારી અનુસાર, સોનાલી ફોગાટની હત્યાનું કાવતરું ઘણા સમય પહેલા ઘડવામાં આવ્યું હતું. આ દરમિયાન સીએમ પ્રમોદ સાવંતે વરિષ્ઠ પોલીસ અધિકારીઓને આ કેસમાં વહેલી તકે ચાર્જશીટ દાખલ કરવાનો નિર્દેશ આપ્યો છે. ગોવા પોલીસે પુષ્ટિ કરી છે કે તમામ સંબંધિત દસ્તાવેજો મળી આવ્યા છે અને આ હત્યા કેસમાં સુધીર સાંગવાનને દોષિત ઠેરવવા માટે પૂરતા છે.

રિપોર્ટ્સના અનુસાર, આજે આરોપી સુધીર સાંગવાનના રોહતક સ્થિત ઘરે પણ જઈ શકે છે. આ દરમિયાન સુધીર સાંગવાનના પરિવારની પણ પૂછપરછ થઈ શકે છે. આ સિવાય સુધીરના ઘરની પણ તલાશી લેવામાં આવી શકે છે. સોનાલી ફોગટના ભાઈઓ વતન ઢાકા અને રિંકુ ઢાકાએ જણાવ્યું કે તેઓએ ગોવા પોલીસ સાથે વાત કરી છે અને તેઓએ માહિતી આપી છે કે તેઓ આજે રોહતકમાં સુધીર સાંગવાનના ઘરે પૂછપરછ માટે જશે.

ગોવા પોલીસ હાલ હિસારમાં જ હાજર છે. સુધીર સાંગવાનના ઘરે જવા ઉપરાંત ગોવા પોલીસ આજે કેટલાક વધુ લોકોના નિવેદન પણ નોંધી શકે છે. હાલમાં ગોવા પોલીસ લાલ ડાયરી શોધી રહી છે.

23 ઓગસ્ટે સોનાલી ફોગાટનું ગોવામાં રહસ્યમય સંજોગોમાં મૃત્યુ થયું હતું. પોસ્ટમોર્ટમ રિપોર્ટ અનુસાર સોનાલી ફોગાટના શરીર પર ઈજાના નિશાન પણ જોવા મળ્યા હતા.

આ કેસમાં સોનાલી ફોગાટના પીએ સુધીર સાંગવાન અને તેના સાથી સુખવિંદરની ધરપકડ કરવામાં આવી હતી. ગોવા પોલીસે પાછળથી કુર્લીસ રેસ્ટોરાંના માલિક એડવિન નુન્સ અને બે ડ્રગ પેડલરની પણ ધરપકડ કરી હતી.