હાલમાં જ ટીવી એક્ટ્રેસ શ્વેતા તિવારી અને તેની દીકરી પલક તિવારીને લઇને એક મોટી ખબર સામે આવી. શ્વેતાએ તેનાં બીજા પતિ અભિનવ કોહલી વિરુદ્ધ પોલીસ ફરિયાદ કરાવી છે. ફરિયાદ મુજબ અભિનવ તેની સાવકી દીકરી પલકને મારતો અને તેનાં પર અશ્લીલ ટિપ્પણી કરતો. તે મુદ્દે શ્વેતા કે અભિનવ તરફથી કોઇ નિવેદન આવ્યું નથી. પણ આ મામલે પલકે ચુપ્પી તોડી છે
પલકે ઇન્સ્ટાગ્રામ પર એક પોસ્ટ શેર કરી છે. જેમાં તેણે ઘણાં ખુલાસા કર્યા છે. સૌ પહેલાં તેણે સપોર્ટ કરનારાઓનો આભાર માન્યો છે. પછી આ મુદ્દે વાત કરી છે. તેણે લખ્યું છે કે, 'આ વિશે મીડિયાની પાસે ફેક્ટ્સ નથી. હું પલક તિવારી, ઘણાં કિસ્સામાં ઘરેલૂ હિંસાનો શિકાર થઇ છું. મારી મા નહીં. જે દિવસે ફરિયાદ દાખલ કરવામાં આવી. તે દિવસ સિવાય ક્યારેય તેણે (અભિનવ કોહલી)એ મારી માને નથી મારી.'
પલકે ખોટી અફવા ફેલાવનારાને પણ સંભળાવ્યું તેણે તેની મા શ્વેતાને કહ્યું કે, 'તે સૌથી સ્ટ્રોંગ વ્યક્તિ છે અને બધામાંથી હું જ એક એવી વ્યક્તિ છુ જે તેનાં સંઘર્ષનાં દિવસોની સાક્ષી રહી છે. તેથી ફક્ત મારો જ ઓપિનિયન ગણાશે. મીડિયા રિપોર્ટ્સમાં કહેવામાં આવ્યું છે કે, અભિનવે પલકને થપ્પડ મારી અને તેનાં પર અશ્લીલ ટિપ્પણીઓ કરી. હું તે વાતને ક્લિયર કરવાં માંગુ છુ કે, તેનાં સાવકા બાપ અભિનવ કોહલીએ તેને ફિઝિકલી છેડતી કે તેને ખોટી રીતે અડવાની હરકત કરી નથી. જોકે તેણે તે જરૂર કહ્યું કે, તે અપશબ્દો અને ખરાબ ટિપ્પણીઓ કરતો હતો. એવાં શબ્દ જે કોઇપણ મહિલાની ગરિમા પર સવાલ ઉઠાવે છે.'
તેની મા શ્વેતા અંગે પલકે લખ્યું છે કે, 'હું અત્યાર સુધી જેટલાં લોકોને મળી છુ તેમાં મારી મા સૌથી સન્માનિત વ્યક્તિ છે. સૌથી આત્મનિર્ભર. જે ક્યારેય પોતાની જરૂરિયાતો માટે કોઇ બીજા પુરૂષ પર નિર્ભર રહી નથી.' આ આખા મેસેજની સાથે પલકે એક બ્લેક ફોટો પોસ્ટ કરી છે.
પલકનાં પિતા રાજા ચૌધરીએ કરી વાત- એક વેબસાઇટ સાથે વાત કરતાં પલકનાં પિતા અને શ્વેતા તિવારીનાં પહેલાં પતિ રાજા ચૌધરીએ કહ્યું કે, 'મને આ અંગે મીડિયા દ્વારા જાણ થઇ. હું મારી દીકરીનાં ટચમાં છુ અને મે તેની સાથે વાત કરી છે. તેણે કહ્યું કે, ચિંતા કરવાની વાત નથી. અને હું ઠિક છું. એક પિતાનાં રૂપે મારા માટે આ બધુ ખુબજ ડિસ્ટર્બિંગ છે.'
રાજાએ અન્ય વેબસાઇટ સાથે વાત કરતાં કહ્યું કે, મને નથી ખબર કે તેણે (અભિનવ) મારી દીકરીની ગરિમાનું કઇ હદ સુધી ઉલ્લંઘન કર્યું છે. પણ મે મારી દીકરીને મેસેજ કર્યો હતો. જેનાં જવાબમાં તેણે મને કહ્યું કે, 'હું ઠીક છું અને ચિંતાની કોઇ વાત નથી. ' હાલમાં તે માનસિક પીડામાંથી પસાર થઇ રહી છે. પણ હું થોડા દિવસ બાદ આ અંગે જાણવા તેની સાથે વાત કરીશ.
હાલમાં મને ખબર નથી કે હું મારી દીકરીને કેટલો કાયદાકીય સપોર્ટ કરી શકુ છું. પણ પહેલા મારે તેની સાથે વાત કરવી પડશે. અને આ બાદ જ હું મારી દીકરીની સુરક્ષા માટે લીગલ ટીમનો સંપર્ક કરીશ.
પોલીસનું નિવેદન- આ મામલે પોલીસે કહ્યું કે, યુવતી વર્ષ 2017થી 2019 સુધી તેમ વિચારીને ચુપ રહી કે આ પારિવારિક મામલો છે અને બધુ બરાબર થઇ જશે. પણ જ્યારે તે વધુ સહન ન કરી શકી તો તેણે રવિવારે તેની માને જણાવ્યું. જે બાદ મા બપોરે આશરે 1.45 વાગ્યે પોલીસ સ્ટેશન તેને લઇ ગઇ. જ્યાં બંને કલાકો સુધી પોલીસ સ્ટેશનમાં રહ્યાં. અને સંપૂર્ણ ડિટેઇલમાં આપવીતી સંભળાવી.
