લાડલી સુહાનાને સાડીમાં જોઇને દંગ રહી ગયો કિંગ ખાન, પૂછી લીધો આવો સવાલ

Shahrukh Khan commented on daughter Suhana saree : સુહાના ખાને હાલમાં જ પોતાના ઈન્સ્ટાગ્રામ હેન્ડલ પર પોતાની એક તસવીર શેર કરી છે. શુક્રવારની રાત્રે ભૂમિ પેડનેકરની દિવાળી પાર્ટીમાંથી સુહાનાનો લુક ચર્ચામાં હતો. સુહાનાએ ઈવેન્ટ માટે મનીષ મલ્હોત્રાની ડિઝાઈન કરેલી ખૂબસૂરત સાડી પહેરી હતી.

શનિવારે, સુહાનાએ મનીષ મલ્હોત્રાને ટેગ કરીને પોતાની બે તસવીરો શેર કરી અને તેના કેપ્શનમાં યલો હાર્ટને શેર કર્યું. આના થોડા સમય બાદ સુહાનાની પોસ્ટ પર કમેન્ટ્સનો વરસાદ થવા લાગ્યો.

શાહરૂખ ખાનની કમેન્ટે કરીને આપી સરપ્રાઇઝ : સુહાનાના સાડી લુક પરના મેસેજે બધાને ચોંકાવી દીધા, આ કોમેન્ટ સુહાનાના પિતા શાહરૂખ ખાનની હતી. તેની લાડલીની પોસ્ટ પર રિએક્શનઆપતા, શાહરૂખ ખાને કમેન્ટ કરી, "The speed at which they grow up, defies the laws of time... so elegant and graceful ( did you tie saree urself ? ).

જેના પર સુહાના ખાને જવાબ આપતાં લખ્યું," લવ યુ, ઓહ નો, ગૌરી ખાને મારા માટે કર્યું." ( Love you, uhh no, Gauri Khan did it for me) સુહાનાની માતા ગૌરી ખાને પણ આ પોસ્ટ પર રિએક્શન આપ્યું. તેની કમેન્ટ હતી, જેમાં લખ્યું હતું, "Sarees are so timeless."

શાનદાર અંદાજમાં સુહાનાની પોસ્ટ: છેલ્લા બે દિવસમાં, સુહાના બે દિવાળી પાર્ટીમાં હાજરી આપતી જોવા મળી હતી, જેમાં ગુરુવારે રાત્રે ફેશન ડિઝાઇનર મનીષ મલ્હોત્રાની પાર્ટી હતી, જ્યાં પણ તેણે સાડી પહેરી હતી. શુક્રવારે સુહાનાએ તેના ભાઈ આર્યન ખાન સાથે મુંબઈમાં ભૂમિ પેડનેકરની દિવાળી પાર્ટીમાં હાજરી આપી હતી.

સુહાનાના મિત્રોએ કરી ખાસ કમેન્ટ : સુહાનાના નજીકના મિત્રો શનાયા કપૂર અને અનન્યા પાંડે પણ તેમની બેસ્ટ ફ્રેન્ડની પોસ્ટ પર રિએક્શન આપવા માટે તૈયાર બેઠી હતી. શનાયા કપૂરે સુહાનાની પોસ્ટ પર લખ્યું, "મારી નજર તારા પરથી હટતી નથી," જ્યારે અનન્યાની કમેન્ટ હતી, "You're just too good to be true."

ફેશન ડિઝાઇનર મસાબા ગુપ્તા, જેણે ભૂમિ પેડનેકરની દિવાળી પાર્ટીમાં હાજરી આપી હતી, તેણે પણ પોસ્ટ પર કમેન્ટ કરી, તુ બધાથી સુંદર લાગી રહી છે.

શાહરૂખ ખાન અને ગૌરી ખાનની લાડલી સુહાના ખાન જલ્દી જ ઝોયા અખ્તરની 'ધ આર્ચીઝ' સાથે બોલીવુડમાં એન્ટ્રી કરશે, જેમાં અમિતાભ બચ્ચનના દોહિત્ર અગત્સ્ય નંદા અને બોની કપૂરની લાડલી ખુશી ખપૂર પણ પોતાના એક્ટિંગ કરિયરની શરૂઆત કરશે. ફિલ્મ આગામી વર્ષે નેટફ્લિક્સ પર રિલીઝ થશે.