શાહરૂખ ખાને પહેલીવાર 'પઠાણ' પર કરી વાત, જોન અબ્રાહમ વિશે આપ્યો અભિપ્રાય અને દીપિકાએ પર કહી મોટી વાત

મુંબઈ: શાહરૂખ ખાનને (Shahrukh khan) કઈ એમ જ બોલિવૂડનો 'કિંગ' કહેવામાં આવતા નથી. તેનું કારણ 4 વર્ષ બાદ શાહરૂખ ખાને તેની ફિલ્મ 'પઠાણ' દ્વારા મોટા પડદા પર જબરદસ્ત કમબેક કરીને આ સાબિત કરી દીધું છે. શાહરૂખ ખાનની 'પઠાણ', જે 15 જાન્યુઆરીએ થિયેટરોમાં રિલીઝ થઈ હતી, તેણે તેની રિલીઝના પહેલા દિવસથી જ બોક્સ ઓફિસ પર પ્રભુત્વ જમાવ્યું છે અને માત્ર 5 દિવસમાં ભારતમાં અને વિશ્વભરમાં લગભગ 542 કરોડની કમાણી કરી છે. (ફોટો સૌજન્યઃ Twitter @ANI)

આ દરમિયાન, શાહરૂખ ખાને મુંબઈમાં પ્રેસ કોન્ફરન્સ કરી હતી, જેમાં 'પઠાણ'ની આખી ટીમ હાજર હતી. આ દરમિયાન, શાહરૂખ પહેલીવાર ફિલ્મ 'પઠાણ'ની સફળતા પર બોલતા જોવા મળ્યા હતા. શાહરૂખે કહ્યું કે, 'સિનેમા મીડિયાએ ફિલ્મને ખૂબ જ સારી રીતે સપોર્ટ કર્યો છે. આપ સૌનો ખૂબ ખૂબ આભાર, ફિલ્મ 'પઠાણ'ને સમર્થન આપવા બદલ અમે તમામ દર્શકો અને મીડિયાના ખૂબ ખૂબ આભારી છીએ. એ હકીકત હોવા છતાં કે, કેટલીક એવી બાબતો છે જે ફિલ્મની ખુશાલ રિલીઝને અટકાવી શકતી હતી.'

તેમણે આગળ કહ્યું કે, 'આવતા અઠવાડિયાથી દરેક વ્યક્તિએ તેમના ટેલિફોન નંબર મોકલી દેજો. જ્યારે ફિલ્મ હિટ ન હોય ત્યારે પણ તેઓ એટલો પ્રેમ આપે છે, જ્યારે તમારી સાથે કંઈ સારું ન થાય, ત્યારે તેમની પાસે જાઓ, જે તમને પ્રેમ કરે છે. હું ઉદાસ હોઉં તો બાલ્કનીમાં આવી જાઉ છું, ખુશ હોઉં તો બાલ્કનીમાં આવી જાઉ છું.'

આ દરમિયાન, તેણે જ્હોન અબ્રાહમ વિશે પણ વાત કરી હતી. તેણે કહ્યું કે, 'મેં મારા બાળકો સાથે કોવિડ વિતાવ્યો છે. હંમેશા કહેવાય છે કે, બે તલવાર એક મ્યાનમાં રહી શકતી નથી. મેં વિચાર્યું કે જ્યારે મારે જ્હોન અબ્રાહમ સાથે કામ કરવું છે, ત્યારે બોડી પણ હોવી જોઈએ.'

દીપિકા પાદુકોણે કહ્યું કે, ' એવું લાગી રહ્યું હતું કે, જ્યારે તહેવાર હોય, જ્યારે તમે ઇમાનદારીથી કામ કરો છો, જો તમને પ્રેમ મળે છે, તો તે મૂલ્યવાન લાગે છે. શૂટિંગ દરમિયાન અમે સારો સમય પસાર કર્યો હતો. શાહરૂખે કહ્યું હતું કે, એવા લોકો સાથે કામ કરો કે જેમની સાથે તમે કમ્ફર્ટેબલ હો. જ્યારે અમને એવા લોકો સાથે કામ કરવાની તક મળી જે અમને પ્રેમ કરે છે, ત્યારે આ ફિલ્મનો હેતુ શુદ્ધ આનંદ અને દર્શકોને સાથે લાવવાનો હતો.'

આ દરમિયાન જ્હોન અબ્રાહમે કહ્યું કે, 'શાહરુખ એક્ટર નથી, તે એક ઈમોશન છે. મેં દીપિકા સાથે કામ કર્યું છે, પરંતુ તેનો ગ્રોથ જોઈને હું ખૂબ જ ખુશ છું. ટેકનિકલ ટીમ અને પ્રોડક્શન ટીમે ખૂબ જ મહેનત કરી છે. મીડિયા ટીમનો ખૂબ ખૂબ આભાર અને અમારા ત્રણેયના ફેન્સનો આભાર...

જ્હોન આગળ કહે છે કે, 'આદિત્ય ચોપરા અહીં નથી, તેણે મને સારી રીતે સ્થાન આપ્યું છે. હું તમામ શ્રેય તેને આપું છું. અમને સારી રીતે રજૂ કરવાની જવાબદારી ડિરેક્ટરની છે. અમારી ટીમમાં કેટલાક મહત્વપૂર્ણ લોકો છે. વિશાલ શેખરે અમને બે શાનદાર ગીતો આપ્યા, જે રીતે ફિલ્મ માઉન્ટ કરવામાં આવી તે ખરેખર મહત્વનું છે. આદિત્ય ચોપરા તમામ વખાણને પાત્ર છે. શાહરૂખ ભારતમાં નંબર 1 એક્શન હીરો છે. આ લાંબા સમયની મારી સૌથી મોટી હિટ ફિલ્મ હશે.