600 મજુરોએ મળીને તૈયાર કર્યું Bigg Bossનું ઘર, જુઓ PHOTOS

બિગ બૉસ (Bigg Boss)ની 13મી સિઝનનીગ્રાન્ડ લૉન્ચિંગ ઇવેન્ટ થઇ ગઇ છે. આ ઇવેન્ટની સાથે સાથે જ ઘરની કેટલીંક તસવીરો સામે આવી છે. આ તસવીરો હાલમાં ઇન્ટરનેટ પર છવાઇ ગઇ છે. પણ શું આપ જાણો છો કે આ ઘર તૈયાર કરવામાં કેટલો સમય લાગ્યો છે અને કેટલાં લોકોની મહેનત લાગી છે.

આર્ટ ડિરેક્ટર ઓમાંગ કુમારે જણાવ્યું કે, આ વખતે આલીશાન ઘર બનાવવા માટે પ્લાસ્ટિકનો જરાં પણ ઉપયોગ થયો નથી. આખુ ઘર પીઓપીથી બનાવવામાં આવ્યું છે. ઘરમાં પ્લાસ્ટિકનો ઉપયોગ ન કર્યો હોવાથી તેને બનાવવાનો ખર્ચો પણ વધી ગયો છે. જોકે તે જરૂરી હતું. કારણ કે, પ્લાસ્ટિક પર્યાવરણને નુક્સાન પહોંચાડે છે.

ઘર અંગે એક ખાસ માહિતી તે પણ સામે આવી છે કે આ ઘર બનાવવામાં 600 મજૂરોની મહેનત લાગી છે. તેમણે આશરે 6 મહિનામાં બિગ બૉસનું ઘર તૈયાર કર્યું છે. આ ઘરનાં ફિનિશિંગ ટચ આપવા માટે બે મહિનાનો સમય લાગ્યો હતો. ઓમાંગે ઘરમાં કાલકોઠરી અંગે વાત કરતાં કહ્યું કે, આ એક સરપ્રાઇઝ છે. આપને જણાવી દઇએ કે, મ્યૂઝિયમની થીમ પર ડિઝાઇન કરવામાં આવી છે ઘરમાં કૂલ 93 કેમેરા લાગેલા છે જેમાંથી 14 બેડરૂમમાં છે. જે સ્પર્ધકની દરેક હરકત પર નજર રાખશે. બેડરૂમમાં પહેલાની જેમજ ડબલ અને સિંગલ બંને પ્રકારનાં બેડ છે.

ઘરનાં કિચનની વાત કરીએ તો, ઓમાંગ કહે છે કે, આપણે હમેશાં જોયુ છે કે, ઘરનાં કિચનમાં ઘણાં તાંડવ થાય છે. ઘણાં વાસણ તુટે છે. તેથી અમે કિચનને સિંપલ રાખ્યું છે. સ્પર્ધકો આવીને જાતે જ રંગ ભરી દેશે.