સારા અલી ખાને કર્યો ખુલાસો, કહ્યું માતા અમૃતા સિંહ અને અબ્બા સૈફ અલી ખાન 'અતરંગી રે' જોઈને રડ્યા

tran સારા અલી ખાન (Sara Ali Khan) આ દિવસોમાં તેની ફિલ્મ 'અતરંગી રે' (Atrangi Re) ને લઈને ચર્ચામાં છે. સારા અલી ખાને ફિલ્મમાં રિંકુનું પાત્ર ભજવ્યું છે. આ ફિલ્મ OTT પર રિલીઝ થઈ છે, જેને સારો પ્રતિસાદ મળી રહ્યો છે. સારાએ તાજેતરમાં જ ફિલ્મ જોયા બાદ માતા અમૃતા સિંહ (Amrita Singh) અને અબ્બા સૈફ અલી ખાન (Saif Ali Khan) ની પ્રતિક્રિયા જાહેર કરી છે.

સારા અલી ખાને (Sara Ali Khan) ખુલાસો કર્યો છે કે, ફિલ્મમાં તેના પાત્ર અને અભિનયને જોઈને તેની માતા અને અબ્બા એટલે કે અમૃતા સિંહ અને સૈફ અલી ખાન બંને રડી પડ્યા હતા. એક ઈન્ટરવ્યુ દરમિયાન તેણે ભાઈ ઈબ્રાહિમની પ્રતિક્રિયા (Amrita Singh-Saif Ali Khan both Cry after see Atrangi Re) વિશે જણાવ્યું.

ઈન્ડિયા ટુડે સાથેની વાતચીત દરમિયાન સારાને પૂછવામાં આવ્યું કે, ઘરમાં ક્રિટિક્સ કોણ છે? આના જવાબમાં અભિનેત્રીએ કહ્યું, 'સાચું કહું તો 'અતરંગી રે' આ સવાલ પૂછવા માટે સારી ફિલ્મ નથી. મને લાગે છે કે મમ્મી લાગણીશીલ છે અને મારા પિતા ખૂબ જ મજબૂત છે. પણ હું જાણું છું કે મેં માતા અને પિતા બંનેને રડાવ્યા છે. ફિલ્મ જોયા બાદ બંને ખૂબ જ ભાવુક થઈ ગયા હતા.

સારાએ કહ્યું કે, જ્યારે તમારા માતા-પિતાને તમારા પર ગર્વ થાય છે, ત્યારે લાગે છે કે તમે તમારી બધી સિદ્ધિઓ મેળવી લીધી છે.

સારાએ જણાવ્યું કે, સૈફ અલી ખાને તેની ફિલ્મ 'અતરંગી રે' જોઈ કે તરત જ સારાને ફોન કર્યો. અડધી રાત હતી જ્યારે સૈફે સારાને ફોન કર્યો અને તે ઊંઘી રહી હતી. સવારે ઉઠ્યા પછી સારાએ ફોનમાં તેના પિતાનો મિસ કોલ જોયો અને તરત જ તેમને ફોન કર્યો.

સારાએ વધુમાં જણાવ્યું કે, સૈફે તેના જોરદાર વખાણ કર્યા અને તે દરમિયાન તેની આંખો પણ ભીની થઈ ગઈ. સારાએ કહ્યું કે, સૈફ બહુ ઓછું બોલે છે અને ઉતાવળમાં પોતાના દિલની વાત કોઈની સાથે શેર કરતો નથી. 'અતરંગી રે' જોયા બાદ સૈફ અલી ખાન પોતાની જાતને રોકી ન શક્યો અને તેણે સારા અલી ખાનના જોરદાર વખાણ કર્યા. અબ્બા પાસેથી પોતાના કામની પ્રશંસા મેળવ્યા બાદ સારા પણ ખૂબ જ ભાવુક થઈ ગઈ હતી.

સારાએ ઈબ્રાહિમની પ્રતિક્રિયાનો પણ ઉલ્લેખ કર્યો. તેણે કહ્યું, 'મારા અને ભાઈ ઈબ્રાહિમ વચ્ચેનું સમીકરણ ગંભીર નથી હોતુ. અમે બંને એકબીજા સાથે મજાક કરીએ છીએ. ફિલ્મ જોયા બાદ તેણે કહ્યું કે, તેને મારા પર ગર્વ છે, જેનાથી હું ખૂબ જ ખુશ છું.

તમને જણાવી દઈએ કે, આ ફિલ્મમાં સારાની સાથે અક્ષય કુમાર અને સાઉથ સુપરસ્ટાર ધનુષ મુખ્ય ભૂમિકામાં છે, આ ફિલ્મ આનંદ એલ રાય દ્વારા નિર્દેશિત છે. આ ફિલ્મ ડિસેમ્બરના રોજ OTT પ્લેટફોર્મ ડિઝની પ્લસ હોટસ્ટાર પર રિલીઝ થઈ હતી.