કાર્તિક-સારાની લવ સ્ટોરીમાં આ વ્યક્તિ બની વિલન, જાણો કેવી રીતે એક્ટ્રેસની લાઇફમાં થઇ શુભમન ગિલની એન્ટ્રી

Sara Kartik Love Story : બોલીવુડમાં સંબંધો તૂટવા અને જોડાવા સામાન્ય વાત છે. સેલેબ્સ વચ્ચે ક્યારે અંતર આવી જાય અને ક્યારે એકબીજાની નજીક આવી જાય એ તો કહી જ ન શકાય. એક સમય એવો હતો જ્યારે સારા અલી ખાને કાર્તિક આર્યન માટે ખુલ્લેઆમ પ્રેમનો ઇઝહાર કર્યો હતો.

બંને ઘણીવાર સાથે સ્પોટ કરવામાં આવ્યા. પરંતુ જલ્દી બંને અલગ થઇ ગયા. સાથે જ આજકાલ સારાનું નામ ઇન્ડિયન ક્રિકેટર શુભમન ગિલ સાથે જોડવામાં આવી રહ્યું છે. કાર્તિક અને સારા વચ્ચે અંતર કેવી રીતે આવ્યું અને શુભમન ગિલની એન્ટ્રી સારાની લાઇફમાં ક્યારે થઇ? ચાલો તમને જણાવીએ...

સૌથી પહેલા કરણ જોહરના શૉ 'કૉફી વિથ કરણ'માં સારા અલી ખાને એક્સેપ્ટ કર્યુ હતું કે કાર્તિક આર્યનને પસંદ કરે છે અને તેની સાથે ડેટ પણ કરવા માગે છે. આ નિવેદન બાદ સારા અને કાર્તિકને લઇને વાતો જોરશોરથી શરૂ થઇ ગઇ હતી. તે બાદ બંનેએ સાથે 'લવ આજકલ 2'માં કામ કર્યુ હતું.

અનેકવાર સાથે જોવા મળ્યા કાર્તિક -સારા : 'લવ આજકલ'ની શૂટિંગ દરમિયાન સારા અને કાર્તિકની બોન્ડિંગ વધુ સારી બની ગઇ. સારા અને કાર્તિક ઘણીવાર પોતાના ફોટોઝ સોશિયલ મીડિયા પર શેર કરતાં હતાં.

બંનેની ફ્રેન્ડશિપ જોઇને બધાને લાગતું હતું કે તેઓ જલ્દી જ લગ્નના બંધનમાં બંધાઇ જશે. પરંતુ જેવી 'લવ આજકલ' રીલીઝ થઇ તેવી જ બંને વચ્ચે દૂરિયાં જોવા મળી. સારા અને કાર્તિકની મુલાકાતો ઓછી થવા લાગી અને બંને પોતપોતાના પ્રોજેક્ટ્સમાં બીઝી રહેવા લાગ્યાં. ત્યાં સુધી કે સાથે ફોટો ક્લિક કરાવવામાં પણ બંને ખચકાવા લાગ્યા.

અનન્યા પાંડે અને અમૃતા સિંહને કારણે થયું બ્રેકઅપ : કાર્તિક અને સારાનું અલગ થવું ફેન્સ માટે શૉકિંગ હતું. કેટલાંક મીડિયા રિપોર્ટ્સ અનુસાર કાર્તિક પોતાની આગામી ફિલ્મમાં અનન્યા પાંડે સાથે સ્ક્રીન શેર કરી રહ્યો હતો.

અનન્યા સાથે જેની ફ્રેન્ડશિપ વધવા લાગી હતી અને આ વાત સારાને પસંદ ન હતી. ત્યાં બીજી બાજુ તે પણ સામે આવ્યું કે સારાની મમ્મી અમૃતિ સિંહ નથી ઇચ્છતી કે કરિયરની શરૂઆતમાં જ સારા લવ અફેરમાં ફસાય. તેવામાં તેના કહેવા પર સારાએ કાર્તિક સાથે અંતર રાખવાનું શરૂ કરી દીધું. જો કે, સારા અને કાર્તિકે ક્યારેય ખુલીને પોતાના રિલેશનશિપ પર વાત નથી કરી. એક ઇન્ટરવ્યુમાં કાર્તિકે એમ જરૂર કહ્યું હતું કે તે લાંબા સમયથી સિંગલ છે.

શુભમન સાથે સારાની આ રીતે થઇ મુલાકાત : સારા અલી ખાનનું નામ હવે ક્રિકેટર શુભમન ગિલ સાથે જોડાઇ રહ્યું છે. રિપોર્ટ્સની માનીએ તો શુભમન ગિલ અને સારાની મુલાકાત એક કોમન ફ્રેન્ડ દ્વારા થઇ હતી. તે બાદ બંને એકબીજા સાથે વાતચીત કરવા લાગ્યાં. ઓગસ્ટમાં શુભમન ગિલ અને સારા રેસ્ટોરન્ટની બહાર નીકળતા જોવા મળ્યાં હતા. જે બાદથી બંનેના ડેટિંગના ક્યાસ લગાવવાની શરૂઆત થઇ ગઇ. હાલમાં જ એક ફ્લાઇટ વીડિયો સામે આવ્યા બાદથી ફરીથી બંનેના અફેરને લઇને ચર્ચા શરૂ થઇ ગઇ છે.