BIGG BOSS-13 માટે 400 કરોડ નહીં આટલી ફી વસૂલશે સલમાન ખાન

બિગ બોસમાં સલમાન ખાનની ફી અંગે લાંબા સમયથી સમાચાર આવી રહ્યાં છે. કહેવાય છે કે, ભાઇજાન બિગ બોસની 13મી સિઝનમાં એક એપિસોડ માટે 31 કરોડ રૂપિયા લેશે. અને આ સાથે જ તેની કૂલ ફી આશરે 400 કરોડ રૂપિયાની આસપાસ પહોંચી ગઇ છે. પણ હવે સામે આવ્યું છે કે, 400 કરોડ રૂપિયા ફી પેટે લેવાની વાત ખોટી છે. સલમાનની ટીમ સાથે જોડાયેલાં સૂત્રોએ પિંકવિલા સાથે વાતચીતમાં ખુલાસો કર્યો છે.

સૂત્રોની માનીયે તો, સલમાન ખાન 'બિગ બોસ 13' માટે આશે 200 કરોડ રૂપિયા ચાર્જ વસુલશે. એટલે કે એક એપિસોડ માટે તે 13 કરોડ રૂપિયા લેશે. આ પહેલાં 12મી સીઝનમાં સલમાન ખાન એક એપિસોડનાં 11 કરોડ રૂપિયા ચાર્જ લેતો હતો. એટલે કે તેણે તેની ફીમાં 2 કરોડ રૂપિયાનો વધારો કર્યો છે.

એક શો માટે કૂલ 200 કરોડ રૂપિયા ચાર્જ લેનારો સલમાન ખાન સ્મોલ સ્ક્રિનનો સૌથી મોંગો સેલિબ્રિટી છે. આમ તો રિયાલિટી શોમાં તમામ સેલિબ્રિટીઝ નજર આવે છે. પણ હાલમાં બોક્સ ઓફિસ પર જેનો સિક્કો ચાલે છે તે ભાઇજાનની સ્મોલ સ્ક્રિન પર પણ બોલબાલા છે

પ્રોફેશનલ ફ્રંટની વાત કરીએ તો સલમાન ખાન હાલમાં 'દબંગ-3'ની શૂટિંગમાં બિઝી છે. આ ઉપરાંત તે 2020માં ઇદનાં દિવસે સંજય લીલા ભંણસાલીની 'ઇંશાઅલ્લાહ'માં નજર આવશે. 'દબંગ-3'ની શૂટિંગ પૂર્ણ થયા બાદ સલમાન 'ઇંશાઅલ્લાહ'નું શૂટિંગ શરૂ કરશે.

આ ફિલ્મમાં તે આલિયા ભટ્ટની સાથે જોડી જમાવતો નજર આવશે. આલિયા પહેલી વખત સલમાન ખાન સાથે કામ કરી રહી છે. તેની ઉંમરનો ફરક જોતા દર્શકોમાં એક્સાઇટમેન્ટ વધુ છે કે આખરે ફિલ્મની કહાની શું હશે. જે આ બંનેને કાસ્ટ કરવામાં આવ્યાં છે. એમ પણ ભણસાલીની ફિલ્મ હોય તો દર્શકોને તેનાંથી આશા વધુ જ હોય છે.