બિગ બોસ-12: ફિનાલેમાં સલમાનથી થઇ મોટી ભૂલ, તમને ખબર પડી?

શાહરૂખ ખાને કહ્યું છે કે, 'બડે બડે દેશોમે એસી છોટી છોટી બાતે હોતી રહેતી હૈ..' એમ જ કંઇક 'બડે બડે શોમે છોટી છોટી ગલતી હોતી રહેતી હૈ' હાલમાં જ એવી એક ભૂલ બિગ બોસ-12નાં ફિનાલેમાં થઇ ગઇ હતી. અને આ ભૂલ અન્ય કોઇથી નહીં ખુદ સલમાન ખાનથી થઇ છે.

સલમાનથી આ ભૂલ બિગ બોસનાં ફિનાલે ટ્વિસ્ટનાં અનાઉન્સમેન્ટ સમયે થઇ હતી. સલમાન ખાને કહ્યુ હતું કે, આપ ત્રણ પાસે એક તક છે કે આપ ફિનાલે પહેલાં એક મોટી રકમ લઇને શો ક્વિટ કરી શકો છો. આ સમયે સલમાને કહ્યું હતુ કે, આ વખતે જે રકમ સૂટકેસમાં છે તે અત્યાર સુધીનાં સિઝનમાં ઓફર કરવામાં આવેલી સૌથી મોટી રકમ છે.

સલમાનની સલાહ માનીને બાદમાં જ્યારે દીપકે બઝર દબાવીને શો ક્વિટ કરવાનો નિર્ણય જણાવ્યો તો ખુલાસો થયો કે દીપકને 20 લાખ રૂપિયા મળ્યા છે. હવે સલમાન ભાઇથી આ ભૂલ થઇ કે તેણે આ રકમને અત્યાર સુધીનાં સિઝનની સૌથી મોટી રકમ ગણાવી. જ્યારે બિગ બોસ હલ્લા બોલમાં RJ પ્રીતમ તેનાંથી વધુ રકમ શો ક્વિટ કરીને લઇ ગયો હતો.

પ્રીતમે આ વાતની જાણકારી ટ્વટિર દ્વારા આપી હતી. તેણે કહ્યું કે, આટલી મોટી ભૂલ, 25 લાખ તો હું લઇને નીકળ્યો હતો.

જે બાદ શ્રીસંતની પત્નીએ પણ ટ્વિટ કર્યુ કે, મે કરણવીરની પત્ની ટીજેને આ જ વાત કરી હતી. જ્યારે સલમાને કંટેસ્ટંટને રકમ કેટલી હોવાનો અંદાજો લગાવવા કહ્યું હતું.