જાણો ક્યાં, ક્યારે અને કેટલાં વાગે રિલીઝ થશે SALMAN KHANની ફિલ્મ 'રાધે': યોર મોસ્ટ વોન્ટેડ ભાઇ'

એન્ટરટેઇનમેન્ટ ડેસ્ક: બોલિવૂડનાં ભાઇજાન એટલેકે સલમાન ખાન (Salman Khan) હાલમાં તેની અપકમિંગ ફિલ્મ રાધે : યોર મોસ્ટ વોન્ટેડ ભાઇ (Radhe: Your Most Wanted Bhai)થી ઘણો ચર્ચામાં છે. કેટલાંક કલાકોમાં આ ફિલ્મ રિલીઝ થવાની છે. દર વર્ષની જેમ સલમાન ખાન આ વતે પણ ઇદનાં દિવસે તેનાં ફેન્સ માટે ભેટ લઇને આવ્યો છએ. આ વખતે 13 મેનાં રોજ સલમાન ખાનની ફિલ્મ રિલીઝ થવા જઇ રહી છે. ફિલ્મ અંગે ખુબજ લોકોમાં ઉત્સાહ છે એટલે તો રિલીઝ પહેલાં જ સલમાન ખાનની 'રાધે' ટ્રેન્ડ (Radhe Trends) થઇ રહી છે. ફિલ્મ પહેલાં સિનેમાઘરોમાં રિલીઝ થવાની હતી પણ કોરોના મહામારીને જોતા સલમાને નિર્ણય બદલી નાખ્યો હતો.

12 વાગે થશે સ્ટ્રીમિંગ- ZeePlex પર આ ફિલ્મની સ્ટ્રીમિંગ આજે ગુરુવારે 13 મેનાં રોજ બપોરે 12 વાગ્યાથી શરૂ થઇ શકે છે. એટલું જ નહીં માનવામાં આવે છે કે, ઇદનાં દિવસે આ ફિલ્મની રેકોર્ડ સ્ટ્રીમિંગ થઇ શકે છે. આપને જણાવી દઇએ કે, આ ફિલ્મ ઓનલાઇન ફ્રી જોવા નહીં મળે. પણ દર્શકોએ આ માટે પૈસા ચુકવવાનાં રહેશે.

ફ્રીમાં નહીં જોવા મળે ફિલ્મ- આ ફિલ્મ આપને ઓનલાઇન ફ્રી જોવા નહીં મળે પણ આ માટે આપે પૈસા ચુકવવાનાં રહેશે. આ ફિલ્મ Pay Per View હિસાબે હશે. એટલે કે ફિલ્મને દર વખતે ઓનલાઇન જોવા માટે દર્શકોએ 249 રૂપિયા ચુકવવાનાં રહેશે. જોકે, થિએટર્સની ટિકીટ પ્રમાણે જોઇએ તો સલમાનનાં ફેન્સ માટે આ કોઇ મોટી રકમ નથી.

પ્રભુદેવાનાં ડિરેક્શનમાં બની છે ફિલ્મ- ફિલ્મને પ્રભુદેવાએ ડિરેક્ટ કરી છે. ફિલ્મમાં સલમાન ખાનની સાથે સાથે દિશા પટની, રણદીપ હુડ્ડા, બિગ બોસ ફેઇમ ગૌતમ ગુલાટી અને જેકી શ્રોફ છે. ફિલ્મમાં સલમાન ખાન એક પોલીસ ઓફિસરનાં રોલમાં નજર આવે છે જે ડ્રગ્સ માફિયાનો અંત લાવે છે.

'રાધે: યોર મોસ્ટ વોન્ટેડ ભાઇ'માં એક્શન, કોમેડી, ડ્રામા અને મ્યૂઝિક સહિત સંપૂર્ણ ફન કોમર્શિયલ પેકેજ છે. ફિલ્મમાં સલમાન ખાનનું નામ રાધે છે. જે વર્ષ 2009માં આવેલી તેની ફિલ્મ વોન્ટેડમાં પણ હતું. જોકે, સલમાન ખાને હાલમાં એક વર્ચુઅલ ઇન્ટરેક્શનમાં મીડિયાને કહ્યું હતું કે, આ ફિલ્મ 'વોન્ટેડ'થી સંપૂર્ણ અલગ છે.