'Anupamaa' ફેમ રૂપાલી ગાંગુલીએ તેનો 45મો જન્મદિવસ મનાવ્યો, મળી આ ખાસ ગિફ્ટ

'અનુપમા' તરીકે જાણીતી રૂપાલી ગાંગુલીએ તાજેતરમાં જ તેનો 45મો જન્મદિવસ ઉજવ્યો. ગુરુવારે, રૂપાલીએ તેના ઇન્સ્ટાગ્રામ એકાઉન્ટ પર તેના જન્મદિવસની ઉજવણીની કેટલીક તસવીરો શેર કરી હતી. રૂપાલીએ શોના સેટ પર તેના કલાકારો અને ટીમ સાથે જન્મદિવસની ઉજવણી કરી હતી. આ સાથે તેણે પોતાનો જન્મદિવસ પરિવાર સાથે પણ ઉજવ્યો હતો. તેણે બંને ઉજવણીની તસવીરો ફેન્સ સાથે શેર કરી છે.

કેટલીક તસવીરોમાં રૂપાલી ગાંગુલી તેના પતિ અશ્વિન અને પુત્ર રુદ્રાંશ સહિત તેના વાસ્તવિક પરિવાર સાથે પોઝ આપતી જોવા મળે છે.

રૂપાલી ગાંગુલી કેટલીક તસવીરોમાં તેના જન્મદિવસ પર મળેલી ગિફ્ટને ફ્લોન્ટ કરતી જોવા મળે છે. તેને ઘણી સુંદર ભેટો મળી.

રૂપાલી ગાંગુલીનો જન્મદિવસ અનુપમા શોના સેટ પર પણ ઉજવવામાં આવ્યો હતો. રૂપાલીએ ચાહકોને આની ઝલક પણ બતાવી. આમાં તેની સાથે શોની કાસ્ટ અને ટીમ દેખાઈ રહી છે.

રૂપાલી ગાંગુલી કેક પાસે ઉભી છે. આ તસવીરમાં સુધાંશુ પાંડે, ગૌરવ ખન્ના, અલ્પના બુચ અને આશિષ મેહરોત્રા પણ છે.

આ તસવીરો શેર કરતાં રૂપાલી ગાંગુલીએ લખ્યું, "જે દિવસે હું એક વર્ષ મોટી થઈ...નો મારો મતલબ યંગર બર્થડે 2022!!"

રૂપાલીની આ પોસ્ટ પર કોમેન્ટ કરીને તેના ચાહકોએ તેને જન્મદિવસની શુભેચ્છા પાઠવી હતી અને તેને ઘણો પ્રેમ આપ્યો હતો.

એક ચાહકે લખ્યું, "ખૂબ જ સુંદર અને પ્રેમાળ પળો." અન્ય યુઝરે ટિપ્પણી કરી, "તમારી યાદો શેર કરવા બદલ આભાર! આવી સુંદર યાદો."