રાણા પીડાઇ રહ્યો છે ગંભીર બીમારીથી, માતાએ કિડની દાન કરવાની ઇચ્છા વ્યક્ત કરી

બાહુબલી ફિલ્મથી દરેકનાં દિલો દિમાગમાં છવાઇ જનારા રાણા દગ્ગુબતીની તબિયત નાદુરસ્ત છે. તે કિડનીની સમસ્યાથી પિડાઇ રહ્યો છે. આ બીમારી અંગે તેને ફિલ્મ બાહુબલીનાં શૂટિંગ સમયે જ જાણ થઇ હતી.

છેલ્લાં ઘણાં સમયથી તે કિડનીની ટ્રિટમેન્ટ હૈદરાબાદ અને મુંબઇમાં લઇ રહ્યો હતો. છેલ્લા એક વર્ષથી તેની ટ્રિટમેન્ટ ચાલુ હતી.

જોકે કંઇ ફરક ન આવતા તે આ ટ્રિટમેન્ટ માટે US ગયો હતો. અહીં રાણાનાં સ્વાસ્થ્યનું ધ્યાન રાખવામાં આવ્યું છે, રિપોર્ટની માનીયે તો તેને તેની કિડની ઘણી ડેમેજ છે.

સોર્સિસની માનીયે તો USનાં ડોક્ટર્સે કિડની ટ્રાન્સપ્લાન્ટ કરવાની સલાહ આપી છે.

જે બાદ રાણા દગ્ગુબત્તીની માતા લક્ષ્મીએ પોતાની કિડની દીકરાની ટ્રિટમેન્ટ માટે આપવાની વાત કરી છે.

જોકે આ આખા મામલા અંગે રાણા દગ્ગુબત્તી કે તેમનાં પરિવાર તરફથી કોઇ જ સત્તાવાર પુષ્ટિ કરવામાં આવી ન હતી.