Year Ender 2021: રકુલ પ્રીત સિંહ-જેકી ભગનાની, અથિયા શેટ્ટી-કેએલ રાહુલ સહિતના આ સેલેબ્સે જાહેર કર્યા તેમના રિલેશનશિપ

Year Ender 2021: ગ્લેમર જગત (Glamour word)માં સેલિબ્રિટીઝ પોતાના સંબંધો જાહેર કરતા ખચકાય છે. પણ સમયાંતરે લોકોને મીડિયા દ્વારા આ વાતની જાણ થઈ જ જાય છે. ઘણા સેલિબ્રિટી એવા પણ છે જે પોતાના સંબંધોની સત્તાવાર જાહેરાત કરી દે છે. આજે અહીં એવા જ સેલિબ્રિટીઝની વાત કરવામાં આવી છે, જેમણે 2021માં પોતાની લવ લાઈફને દુનિયા સમક્ષ મૂકી હતી. આવા સેલિબ્રિટીઝમાં કિમ શર્મા-લિએન્ડર પેસ (Kim Sharma Leander Paes)થી લઈને અથિયા શેટ્ટી-કેએલ રાહુલ (Athiya Shetty KL Rahul) જેવી સેલિબ્રિટીઓનો સમાવેશ થાય છે.

કિમ શર્મા-લિએન્ડર પેસ - બોલિવૂડ અભિનેત્રી કિમ શર્મા અને ટેનિસ ખેલાડી લિએન્ડર પેસે તેમના સંબંધોની જાહેરાત કરી છે. આ દંપતીએ આ વર્ષે દિવાળી પર ઇન્સ્ટાગ્રામ પર એકબીજા સાથેની તસવીર શેર કરી હતી. કિમ શર્માએ ફોટો સાથે કિસ કરતા દંપતિનું ઇમોજી બનાવ્યું હતું.

રકુલ પ્રીત સિંહ અને જેકી ભગનાની - અભિનેત્રી રકુલ પ્રીત સિંહ અને જેકી ભગનાનીએ પણ તેમના સંબંધોની સત્તાવાર જાહેરાત કરી છે. જેકીએ રકુલના જન્મદિવસ નિમિત્તે સોશિયલ મીડિયા પર તેની સાથેની તસવીર શેર કરી હતી. જેકીએ રોમેન્ટિક કેપ્શન પણ લખ્યું હતું.

અથિયા શેટ્ટી અને કેએલ રાહુલ - સુનીલ શેટ્ટીની પુત્રી અથિયા શેટ્ટી ક્રિકેટર કેએલ રાહુલને ડેટ કરી રહી છે. ક્રિકેટર કે.એલ.રાહુલે આથિયા શેટ્ટીના જન્મદિવસ પર તસવીર પોસ્ટ કરીને તેના સંબંધોની જાણ કરી હતી. તેણે તેના ઇન્સ્ટાગ્રામ પર 2 તસવીરો શેર કરી હતી. તેણે આ સાથે હેપ્પી બર્થ ડે લખ્યું હતું અને તેની સાથે હાર્ટ ઇમોજી બનાવ્યા હતા.

વિદ્યુત જમાવાલે અને નંદિતા મહતાની - વિદ્યુત જમાવાલે ગત સપ્ટેમ્બર મહિનામાં નંદિતા મહતાની સાથેના સંબંધોને ખુલ્લેઆમ સ્વીકાર્યા હતા. બંને 2 વર્ષથી ગુપ્ત રીતે એકબીજાને ડેટ કરી રહ્યા હતા

પૌલોમી દાસ અને અલ્પાઓન - આ યાદીમાં ટીવી અભિનેત્રી પૌલોમી દાસનું નામ પણ છે. તેણે થોડા મહિના પહેલા ફ્રેન્ચ બોયફ્રેન્ડ અલ્પાઓન સાથેના તેના સંબંધોની જાહેરમાં ઇન્સ્ટાગ્રામ પર કરી હતી.

શમિતા શેટ્ટી અને રાકેશ બાપટ - બિગ બોસ 15ની સ્પર્ધક શમિતા શેટ્ટીએ શોમાં અભિનેતા રાકેશ બાપટ પ્રત્યેની પોતાની લાગણીઓ ખુલ્લેઆમ શેર કરી છે. શમીતા બિગ બોસના ઘરમાં રાકેશને મિસ કરે છે. બિગ બોસ ઓટીટી પછી તેઓને ઘણીવાર એકસાથે જોવામાં આવ્યા હતા.

ઇશાન સહગલ અને માયશા ઐયર - બિગ બોસ 15ના ઘરમાં પ્રેમની જાહેરાત કરનાર ઇશાન સહગલ અને માયશા ઐયર શોમાંથી બહાર આવ્યા હતા અને ખુલ્લેઆમ કહ્યું હતું કે તેમનો પ્રેમ સાચો છે, શો ઓફ નહીં.

વિક્રમ ભટ્ટ અને શ્વેતામ્બરી - ફિલ્મ નિર્માતા વિક્રમ ભટ્ટે ગત સપ્ટેમ્બર મહિનામાં શ્વેતામ્બરી સાથે ગુપ્ત રીતે લગ્ન કર્યા હતા. ત્યારબાદ ઓક્ટોબરમાં વિક્રમ ભટ્ટે શ્વેતામ્બરીનો ફોટો સોશિયલ મીડિયા પર શેર કર્યો હતો અને તેને જન્મદિવસની શુભેચ્છા પાઠવી હતી. આ સાથે જ તેમના સંબંધો જગજાહેર થઈ ગયા હતા.